بنااات ارجوكم ساعدوني اكتشفت خدامتي و هاي الي تسويه ....

مرحبا خواتي حبيباتي مابا اطول عليكم بس ارجوكم تساعدوني بمشكلتي اللي صار لي اسبوعين محتارة فيها ....خواتي انا مشكلتي اني جبت خدامه فلبينية من حوالي السنه و الكل نصحني ما اخذها لانها كانت مسترجعه لكن انا ما كان عندي خيار ثاني وقتها لاني كنت مستعيلة .....المهم في البدايه تعبت و انا اعلمها و ادربها على الشغل على بين ما تعلمت و صارت تشتغل بالطريقه الي انا اباها و طبعا كان معاها موبايل و طلبت مني اييب لها خط اماراتي لان الخط الي عندها كان خط من الفلبين و فعلا يبت لها خط ....و هي كان معاها موبايلين ...حطت الخط الاماراتي بموبايل و الفلبيني بموبايل ...المهم خواتي انا بيتي حيل كبير....عشان جذي بعد 3 شهور يبت خدامه فلبينية ثانيه ....و المشكله انها كانت حيل حلوه و مرتبه حتى انا استغربت كيف راح تشتغل شغل البيت ....و دايما مسويه تسريحات بشعرها و دايما لابسه بنطلونات ضيقه و مسويه حواجبها تاتو ....و فعلا شكلها حلوه وكل البيت يحبونها....المهم اول ما جات تعلمت من الخدامه الاولى و قالت لها اطلبي من المدام موبايل و خط و فعلا انا شريت لها لخط و هي اشترت الموبايل ....و صارو الثنتين ما تقولون الا من اهل البيت و اعز اربع و عشرين ساعه على الموبايل ...و اربع و عشرين ساعه موبايلاتهم ترن ....و يشترون بطاقات تعبئه كل شويه يطلبون من السوبرماركت بطاقات و من هالكلام ....لين مره جوني يقولون مدام نبا نشتري موبايل ابو كامره و انا طبعا على نياتي قلت لهم روحو على كارفور اشترو و ارجعو ...و فعلا راحو و اشترو موبايل بكامره ....و للعلم كل هاي و انا مو حاطه ببالي اي شي سئ يخصهم و بالعكس انا فكرت لانهم يبون موبايل جديد و حديث و مو لاغراض او اهداف ثانيه ....و بعد فتره قررو يشغلون رسايل الوسائط و انا اكتشفت بالصدفه انهم يسألون السايق عن طريقه تشغيل رسايل الوسائط حتى يرسلون صورهم لاهلهم و ما شابه .....
و طبعا انا انسانه من النوع البسيطه و الطيبه زياده عن اللزوم ....مره لقيتهم متهاوشين .....و لما حاولت افهم السبب قالوا انه وحده اخذت صاحب الثانيه منها .....كل هاي و انا كل يوم ادش غرفتهم القاهم يسولفون و حاطين الرجال على السبيكر .....و كل مره اسمع صوت رجال على التلفون و همه يكوون الكوي...يحطون طاوله الكوي و يفتحون السبيكر و يسولفون مع الرجال .... انا طبعا على نياتي فكرت انهم اصحابهم في الفلبين قلت مافي مشكله لانه اصلا مراح يوصلون لهم ....
و كانو يطلبون مني يروحون الكنيسه و اخليهم يروحون و يقولون لي انه عمهم وصلهم ....لانه حسب قولهم في عم لهم في دبي.....المهم مابا اطول عليكم ....لما سافرنا اجازه الصيف اخذت وياي الخدامه الاولى و لقيتها مره تقول لي مدام ابا اقولج شي ...ترا الخدامه الثانيه الي في دبي ..الحين موبايلها مفصول رقمها .....لانها كانت دايما تتصل على ارقام عشوائيه للرجال و متعرفه على شباب عراقيين و هنود و بنغال و ترسل لهم صورهم بالملتيميديا و هي لابسه كلوت و ستيان ,.,, و انا هني فعلا تذكرت اني مره كنت في كارفور و وياي الخدامه و راحت تشتري ستيانات و كلوتات لها و للخدامه الثانيه ....بس انا ما فكرت فيها يومها ....المهم انا جن جنوني و عصبت و اول ما رجعت من الاجازه جبتها و شرشحتها و بهذلتها و مسحت فيها الارض.....صارت تبجي و تقول لي لا مدام مو بس انا اسوي هاي الشغلات ,..لعلمج الخدامه الاولى هي الي علمتني xxxxxxxx..... طبعا انا لما سمعت هالكلام جنيت بزياده و جبتها و قلت لها هالكلام مضبوط او لا ؟...اعترفت بكل شي و قالت انها تمارس الجنس كل ليله على الهاتف مع رجال و في الجميرا بروحها عندها 5 زباين ....و تستقبل صور فاضحه من الرجال....لكنها بكت و ترجتني و اعتذرت و رمت خط الامارات قدامي في الزباله ....و قالت انها ما راح تعيد هاي التصرفات ابدا مهما كان .....و بعد يومين اكتشفت في رساله جايتها من الفلبين خط ثاني فلبيني.....الحين بنات ارجوكم ساعدوني شلون اتصرف...الكل ينصحني اسفر الخدامه الاولى و اخلي الثانيه ....و انا مو عارفه شلون اتصرف ؟؟؟؟
بصراحه شوي معوره قلبي لانها اتعذرت مني و قالت انها مراح تعيدها ابدا ابدا ....بس انا مو مصدقتها ...و اخاف تجيب رجال على البيت بغيابنا ....انتو شرايكم ؟؟؟ اسفرها و اخلص من همها .... اي و تذكرت بعد شغله .....اعترفو انهم ما كانو يروحون الكنيسه و انهم كانو يروحون يقابلون الرجال اصحابهم .....هاي كله و نسيت اقول انه لبسهم اللي يخرجون فيه من البيت فاضح الى اقصى درجه و بنطلونات ضيقه بس انا استحي اتدخل فيهم لانه همه مسيحيات مو مسلمات ...بصراحه انا طيبه و الكل يضحك علي ...و فعلا مو عارفه شلون اتصرف الحين ؟؟؟؟ارجوكم انصحوني انا طالبه مشورتكم و ما خاب من استشار....بانتظاركم خواتي ارجوكم تردوون علي لو بكلمه و تقووني لاني ضعيفه بالتعامل مع الاخرين و الكل يعتبرني طيبه زياده عن اللزوم ....
شكرا حبيباتي انا بانتظاركم