بنااات الحقوا ايش اكتشفت

القصه

انا تعرفت علي واحده في عزومة عزمتني اخت صديق زوجي المهم
تعرفت علي واحده دمها خفيف تحب الفرفشه كثيرررر والناس اللي كنت معزومه عندهم قبائل يعني متحشمين في لبسهم و رزان مش مهفوفين المهم شفت ذي البنت راحت تفتح اغاني و تتنطط كانها بنت عشر سنين

و لابسه قصير كانها تعمل حركات تغيض فيه حد روحت البيت و مستغربه ليش كانت تعمل كدا
اتصلت عليا اخت صديق زوجي تقلي ان البنت اللي كانت تتنطط تبغي رقمي و هي اعتطها قلت لها خير عادي مافي مشكله اتصلت عليا البنت و تكونت بينا صداقه صراحه انا حبيت فيها اشياء كثيره بس في اشيا ما كنت احبها

مع الايام اكتشفت انها كانت متزوجه و تطلقت و الان متزوجه وزوجها يموت عليها و مايقدر يعيش بدونها

وكل يوم تشتكي انو زوجها يبغاها 5 6 مرات بليوم وهي تعبانه من ذا الموضوع

المهم اني لاحظت انها كل ماتتعرف علي واحده لاحظو بعد اسبوع او اسبوعين الكل يبعد عنها و مايردعلي اتصالاتها

واخت صديق زوجي كانت اولهم حاولت اعرف ليش اكتشفت انها خرابت بيوت

اول شي تعرف الوقت اللي زوج صديقنها جاي و تنط عندها و بعدين اليوم الثاني تقولها زوجك عيونه طويله
يطالع لي كل مره

ثاني شي تقول لكل واحده تشوفها في اي جلسه حتي لو ماتعرفها اه انا تعبانه جسمي كلو مكسر زوجي هلكني

طول الليل والصبح و الله ماتستحي مع ان احنا نتكلم في موضوع طبخ اثاث بيت بس تدخل موضوع النوم مدري ليش

و لو انعزمت تروح اخر واحده ولو سالتيها ليش تاخرتي تقول زوجي شافني كاشخها احلويت بعينوا يبغاني

انا بصراحه كرهت الموضوع ذا من كثر ماتتكلم عنو وتتصرف زي الاطفال كانها بنت 16 سنه
مع ان عندها 4 اطفال و عمرها 38
وفي واحده تعرفها من زمان حكت لي عنها وقالت لي ابعدي عنها قبل ما تخرب بيتك
قالت هيا الاشيا اللي تتمناها تحكيها كانها حصلت لها

اللي اكتشفتوا ان العكس الصحيح هل اواجها ووقفها عند حدها او اطنشها لاني ناويه اقطع علاقتي فيها

هي طيبه معايا مره بس كلامها عن النوم كل يوم كل يوم قرفني حتي لو اقلها غيري الموضوع ماتفهم