بنااات اللي تشوووووووووفووون مسلسلات..تعالوا أبيييييييييييييييكم بكلمة راس,,

السلام عليكم

بنووتات كيفكم,,

انا قد كتبت موضوع عن المسلسلات وانحذف بدون ذكر أسباب..

وأنا حطيت إستبيان وأعتقد أنه السسبب غي حذفه لانه بعض البنات فهموه غلط..

وأنا حطيت تعليق والضاهر انحذف قبل مايقرونه البنات,,

راح أحطه لكم وراح اتناقش معاكم واللي عنده تعليق أو أي شي تتفضل..

أترككم مع التعليق:

بسم الله الرحمن الرحمن لرحيم..


أشكرالجميع من أخواتي الكريمات اللاتي شاركنني هذاالموضوع

وتكلموا معي بكل صراحة..

وأشكرأيضا أخواتي اللاتي شاركو إما بنقد أو رأي,,

علما بأني قد طلبت ان تكون الاجابات على قدالسؤال..

لكنه الخيرفي النفوس لاينفك من مواصلة العطاء..


المهم حبيباتي..

انا يوم سألت السؤال..

كان في سؤال تمويهي..

وهو أسم المسلسل,,

لكن السؤال الاهم واللي أنا عشانه فاتحه عالموضوع,,,

هو,,

ليش نشوف المسلسلات؟؟

من خلال إجاباتكم المتنوعه وكتابتي السابقة خرجت ب التالي..

وياليت ألاقي تفاعل منكم والي حابه تناقش مفتوح المجال..


حبيبات قلبي بنات حوااء..

المسلسلات..صارت جزء من حياة كثير منا لأسر..

وصارت جزءمن البرنامج الحياتي..

فهذا مسلسل مع قهوة الظهر وواحد بعد العصر والثالث مع المغربية وواحد بعد العشاء ووشي للسهرة ولامانع من مشاهدة الأعادة للتثبيت!


عزيزاتي..

أنا أتكلم عن الفئة الأكبر من مجتمعنا..

ممكن أناوغيري عندي المجد أو محددة قنوات أو ماعندها تلفزيون من الأساس.

لكن..في هذاالزمن المنفتح..

صارت المهمة على كل وحدة فينا أصعب

تفتح التلفزيون..

تقلببين أكثر من 300 محطة عربية

واكثر من مئات المسلسلات..

فيه فئة تجذبها القصة وفئة أخرى تدور الممثلين

وأخرى تجذبها الديكورات والأزياء والملابس..

فالكل منقسم ومختلف..

والتلفزيونات راح تنفجر وتغص بالمسلسلات والممثلين..

عزيزاتي..

لما تفكرين انه في ناس ممكن يتعلقون بمسلسلات معينة وأحيانا يعيشون القصص كأنها حقيقة
ويتأثرون فيها..وممكن بعد كثيرات وكثيرين يتخيلون أنفسسهم مكان البطل أو البطله..

يعني صارت المسألة مش مجرد ترفيه وراحت الى أبعد من أكثر لتأخذإطار المشكله..

حبيباتي..

أي مسلسل لابد له منقصة..وممثلين..وإخراج..

هذي دعائم نجاحه..

القصة..للأسف صارت في أغلب المسلسلات في ذيل القائمة السابقة

وصار الاهممين الممثل اللي راح يقوم بالدور..وبعدها تكتب القصة لتناسب الاخ الممثل أوالممثلة

وبعدين شكل الديكور والازياء والاكسسوارت وهلم جرا..

ومافي دليل أكبر من هالفلوس اللي تندفع للممثلين عشان يقومون بالادوار..

إذا جينا للجانب الأهم في الموضوع وهوالقصة..

فللأسف..

لم تعد هناك قصص تستحق المشاهده

فمن خلال بحثي وتقصي وأستطلاعاتي..

تلاقين تناقض عجيب في القصة..

فهذي أخوها مانع عنها الجوال وعايشين في بيت مطل على البحر والفخفخة والكشخة!

والبنت ذاتها تطلع بكامل زينتها وكاشفة أمام ذات الأخ!

وأيضا يتزوج الولد ويجد زوجته لاتلبس سوى لبس الجدات! مع أنها عايشه في بيت أهل زوجها
يعني لايمكنهاانها تأخذ راحتها..وأساسا هذي الحاله الي تمثلها زوجة الولد قد أنقرضت من زمان!

وان وجدت ففي أضيق نطاق ولا تستحق أن تفرد كحالة قائمة بذاتها في المسلسل..


وفي عندك مسلسل أخر ولد يطارد بنت خالته داخل طالع على بيتها..طيب حطي حارس عند الباب ولاراح يدخل عليك


وأخر يصور حياة عائلة وكأننا عايشين داخل مافيات!!



المقصد من هذا العرض البسيط واللي هو غيض من فيض أنه لايمكن تلاقين قصة صحيحة مئة بالمئة ..وأغلب المسلسلات حاليات أغلب قصصها وللأسف تفتقر الىمجموعة أشياء أجملها في :

- أنها لاتعتمد على قصص حقيقة واقعية ..فأغلبها من خيال المؤلف والمعد وان كان فيها نسبة صحة أو شيء واقعي فمع كثرة البهارات والسخافات تختفي الواقعيه و والحقيقة.

-الافتقار الى المعالجة..فهي تعرض المشكلة وأحيانا تبالغ في ذلك واذا عرضت الحل لهذي المشكلة يكون ركيك وغير مقبول ويسبب ردة فعل عندالمشاهد....

مثلا تجيب مشكلة لقاء الفتاه بالشاب وراء الأهل..وتصور الحب وقوته والمشاهد اللي تقنع المتفرج أنه هذا هو الصح والمسلسل جالس يعرضها على أساس إنهامشكله..

وإذا جاو يعالجون هالمشكلة عالجوها بطريقة غالبا ماتكون غير مقنعه والمشاهد يشوف فيها انهاخطأ ويعتقد العكس بان هذي هي المشكله...


للأسف يا أخواتي الغاليات صارت المسلسلات لعبة وتجارة مايهم فيها الا مسألة الفلوس ومين الي راح يمثل والقصة أخر شيء يفكرون فيه وياما وياما شفنا اعلانات ودعايات لمسلسلات خلت المتفرج ينشد وينتظر متى راح يجي المسلسل ويتابعة بكل الحواس الخمس وللأسف نكتشف بعدها انه من أتفه وأسخف المسلسلات..


-التركيز على بعض المشاكل دون غيرها...وأبراز بعض المشاكل وكان المجتمع كله من أوله لأخره خربان..

::::::::::

وللأسف ياغالياتي صارت مشاهد الاغتصاب والشذوذ شيء عادي تعرض فيالمسلسلات مثلها مثل أي شيء ثاني ..والملابس أيضا صارت ترتفع عن الركب وبدت الصدورتطلع والأكتاف والظهور..
وصارت المسلسلات صالات عرض لأحدث المكاييج والملابس والصبغات والشنط والجزم والبدل
والسيارات والبيوت الكشخةوالأثاث..


للأسف الشديد فعلا.. صارت أغلب المسلسلات تعالج الأخطاء بأخطاء أكبروأكثر

وصارت الرسائل الخبيثة ترسل الوحدة بعد الثانية لذهنية المشاهد وتقنعة بدون مايحس بكل اللي تبغىتوصله له.. ويللأسى كلها أشياء ليست في صالح لا المشاهد ولا الليحوله..

أخواتي صارت المسلسلات من أكبر المشكلات الأجتماعية اللي تواجه الفرد..صارت تدخل في كل بيت والحديث وتشارك أحيانا في تربية أفراد البيت وتفتيح أذهانهم على أشياء تجرأشياء..

والمشكلةالأكبر,,

أن المشاهدين مش كلهم عنهم عقلية تستوعب الصح والخطأ وتنتقد وتقرر أن هالمسلسل ماينفع للمتابعه..أو يضيع الوقت..

وفيه هناك نقطة أهم من كل اللي سبق وقلته..

لاننسى أنناجميعا راح نوقف أمام رب العالمين في يوم لاينفع في لاولد ولامال ولاتلفزيون ولامسلسلات..

أذاسألنا .وش راح نجاوب..

حبيباتي..فكروا معي

فكروا بعقلانيه..

هالمسلسل اللي تتابعينه وتتفاعلين معه بشكل

مجرد ممثلين يمثلون..يعني مصورين وكامرات وميكرفونات تحيط بكل اللي تشوفينه

تخيلي الفرقبين الحلم والواقع

بين الصدق والكذب

بين الحقيقة والتمثيل

هذا هو المسلسل..

تخيلي انك انتي الي تدخلين جو مع هالمسلسل وتتفاعلين معه ويضيق صدرك اذا ماشفتيه
وتوقفين كل نشاطاتك عشانه وللأسف قد تطال حتى الواجبات الدينيه..

تخيلي ان الممثل هذا نفسه اللي انتي حزينه عشانه نايم ومرتاح في بيته وممكن انه قد مثل أكثرمن عشر قصص وشخصيات تختلف عن اللي شفتيه وفلوسه في جيبه على هالتمثيل الي انتي
صدقتيه وعشتيه كواقع

مش شي يخلينا نخجل حقا من انفسنا!

لما تفكرين أن المجتمع الحقيقي الي انتي عايشته مليان قصص ومشاكل تنتظر نصيبها من العرض وإيجاد الحلول تختلف تماما عن اللي يعرض بالمسلسلات,,

لماتلتفي من حولك وتكتشفي أن وقتك الثمين جدا ضيعتي منه ساعة أو ساعتين وأنتس تتفرجين على هالمسلسلات بدون أي شيء أو رصيد أنضاف لك في سجل أعمالك..وممكن تكون للأسف وبالعليك وزيادة إثم..

عزيزاتي..

لازم كل وحدة منا تفتح ذهنها وتعرف أن هذي مجدر تمثيليات غيرواقعية وغير حقيقية

مليئة بالرسائل الخاطئة والمشوهة والدراما اللي يدعون واقعيتهاوأنها تمثل المجتمع ويصورونها بشكل يخلي أي إنسان يعيشها وكأنها واقع..وبس تخلص نكتشف اننا قد بدينا نقتنع ان هذا واقع ونبدأ ندافع عن المسلسل ونحط نضرة المسلسلفي أذهاننا وللأسف ممكن تتحول الى مسلمات..

أخواتي وغالياتي..

كل وحدة..لازم تعرف أنها مسلمة ومؤمنه..وعايشة في الدنيا ومحاسبه على كل ذرة..

ووراها ياجنه ولا نار

ووراها دنيا تعمرها بالخيروالصلاح

ووراهاأهداف وغاية الأهداف رضا الله اللي خلقها

ووهبها هذي الحياة وأئتمنهاعليها

وممكن يسلبهاإياها أي وقت..

وإذافي وقت للترفيه والتسلية

وفتحتي التلفزيون,,

خلي كل اللي قلته نصب عينيك

لاتسمحين لنفسك أنك تشوفين مسلسلات كلها تمثيل وكذب

لاتسمحين لعقلك أنه يستقبل رسائل خبيثة ومناقضة لكل اللي عايشة إنتي عشانه..

لاتسمحين لقلبك أنه يشوف المشاهد الحميمة ويتخيلها انها الواقع اللي مفترض يكون موجود لكل واحده..وينسى إنها كذب وخداع وتمثيل وموسيقى لايمكن إنها تكون موجوده في الواقع العفوي اللي نعيشة إحنا..


أرجوكم ..حكموا دينكم وعقلكم الصحيح في كل شيءتطالعونه..

ولاتنسون..أننا محاسبين على كل شيء..ومنها المسلسلات اللي نشوفها..
فأحذروا انتكون قلوبكم وعقولكم تعتقد بك شيء في اللي تشوفونه..أنتقدي كل شيء تشوينه ولاتأخذينه كأنه مسلمه وشيء واقع.

أذا شفتي شيء يخالف كل شيء تربيتي عليه من دين صحيح وأعراف صحيحة أغلقي التلفزيون وأشغلي وقتك بالشيء اللي ينفع فعلا..

وأبدئي أنتي وأبحث عن المشاكل اللي تشوفينها في مجتمعك.. وأكتبيها على الورق وحطي الحلول لهاوأبحثي عن الحق وين ماكان وأنشري الحل الصحيح لكل مشكلة واقعية تعيشيها حقيقة

ولاتتركي للمسلسلات والممثلين التافهين والمخرجين الاتفه يحلونها بدالك وينشرون بلاويهم وكذبهم في المجتمع..

لتكوني أنتي كاتبة القصة والممثلةوالمخرجة..

ولكن.. في واقعك الحقيقي

ومجتمعك الذي ينتظر إبداعاتك..

وربك الذي سوف يسألك عن كل صغيرةوكبيرة..





أرجو أن تكون مقاصدي قد وصلت إليكم..وأن نرتقي معا سلم النجاح الحقيقي في هذه الدنيا..

اللهم لك الحمد من قبل ومن بعد..

كل الشكر..



بنوتات نبغاكم تشاركونا بس بدون ذكر أسماء المسلسلات طيب نبغاها مشاركات ثريه وهادفه ..

بالانتظار..