فاهمة عليك

مثل ماقالوا البنات ازمة مراهقه وتعدي ان شاء الله بس خليكم قريبين منها

الله يصلح حالنا وحال اختك والمسلمين جميعا

طيب حاولوا تسمعوا منها شكلها فاقده حنان وأهتمام

عااااااااااااااااادي
لازم كذا نسن المراهقه
ومص الاصبع عاااااااااااااااااده بنت عمري وهي عروس تمص اصبعها بالكوشه بس نذكرها تتركه فشلتنا من الناس
وانتم تكلموا معها على نفس افكارها وممكن تحب الوحده بس كلها ايام وتترك ذا الشي

ياعمري عليها

اتوقع ما فيها شي احلام يقظه
بس حاولو انكم تعطونها الثقه في نفسها ودايم امدحوها على اي شي والشخص اللي تقولين دايم يحطمها وهو السبب اللي خلاها ما تثق في نفسها حاولوا تقولون فلان يمحك ويقول انك ذكيه او اي شي حلو فيها
اساليها عن المسلسلات وش صار عليها وتابعيها معها وقولي لها ما شاء الله عليك اذكى مني تفهمين في المسلسلات
اذا لبست امدحوا لبسها وذوقها لو بالمبالغه
شاوريها في اي شي وقولي لها انتي فاهمه وذكيه وابي اشاورك في شي ..مثلا قولي لها صدقيتي تشاورني وما عرفت ارد عليها انتي وش رايك وش ارد على صديقتي عاد انتي جيبي لها قصه من راسك
مثلا قولي لها فيه اثنين خطبوها وكل واحد حطي فيه صفات حلوه بس واحد منهم قولي انه مثلا يدخن وجميل والثاني ما يدخن وجميل بس اقل من الثاني جمال واساليها عن رايها توافق على مين وسوي نفسك جاده واذا جاوبت قولي لها ليش هذا وامدحي كلامها وقولي لها ماشاء الله عليك انا ما عرفت وش اقول لصديقتي وما عرفت وش ارد عليها بس بقول لها الكلام اللي قلتيه
يعني حااااولوا انكم ترجعون الثقه في نفسها بالمدح والثناء وتعتبرونها كبيره وخذوا رايها في اي موضوع او في السوق ودايم قولوا لها انكم تحمدون ربي على انه عندكم اخت مثلها