بنااات انا انتهيت وبدون سبب وماعادتنفع الحلول بس ابي دعوةمن قلب صاادق:(/استوفي الرد

السلام عليكم ورحمة الله وبركاته

بدخل بالموضوع على طووول بفضفض اللي بتدخل ووماراح ترد الرجاااء ترفع الموضوع بذكر الله ...(لا اله الا الله )

اللي متابعين قصتي انا وزوجي صارلي اللي ما توقعته عقب سنتين ونص من زواجي اللي ثلاثة ارباعه مشاكل
وبعد مارزقنا الله بطفل وما زالت المشاكل مستمره ومع انه مايقصرعلي الا انه فجأة يقلب علي مثل ماقلت سابقا
(مره بيقتلني ومره يفرمني وووو...)
وعلى اساس ان اوضاعنا ضبطت وحلينا كل المشاكل الا انه يشتكي لي انه نفسيته زفت وكلللل اللي فيه بسبب اخوانه 2 منهم يعانون من مرض النفسيه وياثرون عليه وبالاخص اللي اكبر منه صار الشهر هذا 24 ساعه معه ومايفارقه او على التليفون اسغربت وصار بس ينزلني عند اهلي على اساس انه بيرتاح ويبيني ارتاح واغير جو بس كانت نفسيتي زفت وحاسه بتكتيت من وراي ماكنت مرتااحه ابد لحركاتهم
بس وش اسوي غير اني ارتاح عند اهلي شايله هم البيت ومن كثر البرووود اللي اشوفه منه صاار ماعندي حماس ابد للشغل في بيتي احس اني فاقده الامل من شي ومن كثر التفكيير انهد حيلي ويأست بس للحين ما ادري من ايش
وكان مفلس على اخر الشهر هذا وكان عنده استلام الثلاثاء ويسلم الاربعاء وكان يقولي بنسافر للشرقيه على اساس انه نغير جو وقلت خلاص على اساس اني فاهمه ان الاربعاء يصادف الراتب ويوم سالته قال لا الراتب ينزل السبت وقلت كيف طيب قال بذهبك انا انصدمت وقلت لا مو على كيفك لانه جايتني فلوسه هديه وانا حطيتها فيه ..
وهو بالاصل بايعه ذهبي كله عشان يسدد فيه ديونه وبيرجعه لي ...

المهم قال خلاص مو لازم نسافر ويوم الاستلام روحي عند اهلك لانه 24 ساعه استلامه ..

ورحت لاهلي الاحد بس مسيره وما اخذت معي غير حقت اغراض الطلعه لولدي وجت الساعه 11 واتصلت وارسلت 20 مره ومارد ويوم كلف على نفسه قال ولدك معه اغراضه قلت لا قال خلاص بجيبها لك واستغربت وقال لين اخلص استلامي وجاب اغراض حقت شهر حليبه وباقي اغراضه ..
وسكتت بس مو عاجبني الوضع واليوم الثاني اللي هو الاثنين دق على ابوي وقعد يتشكى وجاني ابوي مستغرب قال ابوي هي ما قالت لي غير انه انت عندك استلام وماقالت بينكم شي وخلا شي الا وقاله وناداه ابوي وتفاهم معه وقاله هاذي تعتبر مشاكل على اساس الطبخ وغيره ...وانه انا ما اقعد بالبيت !!!!
وقال ابوي انت اللي تجيبها عندي وتحذفها وطبعا ابوي يدري عن كل مشاااااكلي بس حط نفسه مايدري عن شي ابد على اساس بيصلح بينا وكانه مومقتنع هو ويقولي قدام ابوي انتي تبين السنع والا لا علميني قلت ياخي اذا عندك شي قوله موتلمح وسكت وراح ......
واليوم الثاني يرسل يقول انا سحبت الايجار وشكلنا مانصلح لبعض وببيع الاثاث وعلمت ابوي قال قولي اللي يريحك ومارد علي واليوم الثاني ارسل يقول تجهزي عشان تجمعين اغراضك ورحت توقعت يقول لي شي توقعت يعتذر مني تخيلوا ماحط عينه بعيني انا كان قلبي يتقطع اللملم اغراضي واحوس ما ادري وش مصيري ...
واللي قهرني انه نسى اللحظات الحلوه اللي كانت بينا ونسى انه عنده ولد ما سال عنه ولا برر لي السبب احس انه كرهني فجأة حتى اسمي ما نطقه كنت متحمله كل كلامه وتجريحه لي وهو خلق مشكله من لااا شي
وراح كلامه عن حبه لي وانه مايقدر يفارقني لدرجة انه كان يناديني ملكة عمري واميرتي وكتكوتتي وكلاااااام كثييير
وش اللي تغير وش اللي صار ماااادري فجاة كذا من غيير سبب ااااااااه بس وش اقول ووش اخلي اتنازل له واضحي له وهو بااعني بلحظه والله مصيييبه وطاحت على راسي 24 ساعة دمعتي مافارقتني وفوق كل هذا ولدي يكسر خاااطري هو بيخليه لي وبيصرف عليه حل كل شي وانهاه من عنده وقلت ما زال زوجي بتنازل له عشان بيتي وولدي ونفسي بعد وارسلت له اليوم الصبح وقلت لاتسوي شي تندم عليه اذا مو عشاني عشان ولدك ومارد علي!!!! والله انقهررررت
حسيت انه احد مسوي لنا شي مافيه شي يصير فجأة والله تعباااانه وما خلى لي اي اثر في حياااته

لييييييييييييييييييييييييييييييييييييييييه هذا السوال اللي بقالي من بعده ومالقيت له حل ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!
الزبده بيطلقني احد قادر يستوعب ؟؟؟؟


حسبي الله ونعم الوكيييل