بنااااات ......
كيفكم وكيف احوالكم ...
عساكم يا ربي طيبين وبعافية ...
انا بقولكم شيء ...
وباقوله لنفسي كمان ...
لو اي وحدة فيكم دقت عليها صديقتها او جارتها وقالت
انا جاية اشرب معاك فنجان قهوة اوشاي ...
او بامر اسولف معاك شوي ...
والله فيه بنات سنعات شاطرات تكون موضبة البيت من بدري وعلى طول حاطة شوية حلا بالثلاجة للزنقات والزيارات الغير متوقعة ...وان كان على الشاي او القهوة مسافة الطريق يكون حضر
هذي على طول بتقول لصاحبتها تفضلي ....حياك
وفي اللي ما تكون محضرة نفسها تقول ماعلهش خليها للمسا او لبكرة ويمكن تجي باعذار من راسها زي انا الحين طالعة او ماني بالبيت او عندي ضيوف اواي حاجة مثل هيك ومتاكدة انها ما راح تغلب في ايجاد عذر ....
واكيد الصديقة العزيزة او الجارة الكريمة راح تقبل العذر وتاجل الزيارة....
لكن اذا قلت لكم شو بتجاوبوا الزائر اللي راح يدق علينا في يوم من الايام واكيد راح يدق على كل وحدة فينا بس كل وحدة في ميعادها .....
اذا دق عليك ملك الموت....
وقال انا جاي بعد شوي ...
ايش راح يكون جوابك يا ترى ....
ما اعتقد راح يكون فيه اجابتين على هذا الاستئذان مثل الاول
متاكدة انه ولا وحدة راح تقول اتفضل ...حياك ...انا حاضرة ...متى ما تبي انا جاهزة
كل وحدة فينا رايحة تقول استنى بس شوي ...
عندي كام شريط اغاني وفيديو ومجلات اروح احرقهم احسن ما اخذ ذنب اللي راح يسمعهم ويشوفهم بعدي فوق ذنبي اني سمعتهم وشفتهم
عندي كام ذنب لسه ما تبت منه اروح اصلي ركعتين توبة
عندي كام صديقة وكام جارة وكام وحدة ظلمتهم واغتبتهم واتكلمت فيهم ويمكن خضت في اعراضهم لو ممكن خمس دقايق بس الف عليهم ارجع لهم حقوقهم واستسمحهم
والله انا مقصرة في بعض الفرايض فخليني كام يوم اعمل شوية نوافل وسنن من صلاة وصيام وصدقة وقراءة قران و...و...اجبر بيها تقصيري في الفرائض
والله مقصرة في حق زوجي وعيالي وفي حق نفسي كمان ...خليني كام يوم اعتني بيهم
والله ضيعت كثير من عمري ووقتي في النوم والسهر واللعب واللهو وكثر طلعات بلا فايدة خليني كمان شوي اسهر في قيام الليل وااقوم لصلاة الفجر واطلع لتحصيل العلم او لقضاء حاجات ضرورية او لزيارات صلة الرحم او مرضى او اي شىء لوجه الله ...
وعندي....
وعندي....
ولسه...
ولسه...ما حفظتش القران ...ده انا لسه مش مواظبة حتى على قراءته...
و....
وكمان...
اعتقد ما راح اوقف عن العد وكل وحدة فينا ادرى بعيوبها واحوالها
يقول ابن الجوزي في صيد الخاطر
يا ضعيف العقل اعلم ان الناس اذا اعجبوا بك فانما اعجبوا بجميل ستر الله عليك
ويقول ابو العتاهية
احسن الله بنا ان الخطايا لا تفوح ***نح على نفسك يا مسكين ان كنت تنوح
لتموتن وان عمرت ما عمر نوح
اخواتي....
هذا ان كان هذا الزائر سيستاذن وينتظر ...
وكلنا نعلم انه لن يستاذن ولن ينتظر ...
فماذا ننتظر اذن ...
كل واحدة منا تفتش في ادراجها ...
وفي احوالها....
وفي ما قدمته يداها....
هل انا على حال ترضي الله عني ....
ام على حال تحتاج الى محاسبة ...
ام على حال ما فيها ما يرضي الله والعياذ بالله....
وكل واحدة تصف لنفسها الدواء المناسب لحالتها...
هيا يا اخواتي كفانا تسويفا وطول امل ...
ولنبادر بالاعمال فتنا كقطع الليل المظلم
قال رسول الله صلى الله عليه وسلم
اغتنم خمسا قبل خمس...حياتك قبل موتك وصحتك قبل سقمك وفراغك قبل شغلك وشبابك قبل هرمك وغناك قبل فقرك-اخرجه الحاكم والبيهقي عن ابن عباس بسند صحيح واخرجه الامام احمد في المسند وذكره الالباني في صحيح الجامع
هداني الله واياكن لما يحبه ويرضاه
اللهم ارزقنا توبة قبل الممات وتوفنا وانت راض عنا غير غضبان
هذا الموضوع كتبته بعد ما استمعت لشريط للشيخ سعد البريك بعنوان اغتنم خمسا قبل خمس والمحاضرة بعنوان الغنيمة الباردة فاستوحيت منه الفكرة ...اسال الله ان يجزيه عنا خير الجزاء وان ينفع بما كتبته ونفسي المقصرة اولا وانصحكن باقتناء الشريط لما فيه من فائدة
سبحانك اللهم وبحمدك اشهد ان لا اله الا انت استغفرك واتوب اليك
AZAHRA @azahra
محررة
يلزم عليك تسجيل الدخول أولًا لكتابة تعليق.
أبنة الطهر
•
جزاك الله خير..ونفع بك..وبارك فيك..
جزاك الله خير
كلمات تخرج من القلب الى القلب
الله يجعله في موازين حسناتك يااارب
وينولك اللي ببالك يالغاليه
اللهم آمين
اللهم آمين
اللهم آمين
بارك الله فيج
وجزاج ربي عن هالموضوع كل خير في الدنيا والاخره
اللهم آمين
اللهم آمين
بارك الله فيج
وجزاج ربي عن هالموضوع كل خير في الدنيا والاخره
الصفحة الأخيرة