بنااات تكفون ابي مساعدتكم

السلام عليكم ورحمة الله
شخبااااااركم بنات
وربي لكم وحشه مووت ماتتخيلون اعذروني لكن والله غصب عني طول هالانقطاع
يمكن الحين البعض يقولون مامداكي سجلتي بالمنتدى علشان تصيرين معروفه:11:
لكن والله العظيم من جد عزيتكن كللللكن احس فيه روح اخوه بالمنتدى وعطاء فعلا مفقود اليومين هذي بالواقع
لكن الحمد لله الدنيا مليانه باهل الخير امثالكن يالغاليات
(ماانعطى وجه انا بالكلام تروني مااسكت اذا انفلتت :21:)
المهم
اول شي ابارك للجميييييييييييع بهالشهر الفضيل والله يعيده علينا ويجعلنا من صوّامه وقوّامه هالسنه وكل سنه ان شاالله (على فكره هذي دعوة الوالده يعني لاطشتها انا )
ثاني شي انتم تعرفون بنات العيد ان شاالله بعد شهر رمضان (اكيد والا بعد يبي لها فراسه )
وبالعيد كل وحده تحب تطلع بشكل جديد وصوره وطله غيييير
انا بصراحه سمعت عن الابر اللي تفتح وماصدقت ببداية الامر لحد ماشفت وحده اعرفها وربي يابنات انها اول سمرا مرره (والله مااشمت فيها لكن فعلا البنت عبره الحين )الول مره سمرا لكن الحين صايره لممممممممممممبه ماشالله عليها من البياض والصفاء اول الامر انا شككت انه خلطات لأنه مو معقوله لونها ماشاالله من راسها الى رجولها بيضا وسألتها طبعا هي ماعطتني الاجابه الصحيحه قالت لي خلطات وكذا انا والله اذا جيتن للحق ماصدقتها
وسألت وتقصيت وعلمت من مصادري الموثوقه (حلوه الموثوقه هذي) انها مستخدمه الابر
بصراحه انا انهبلت فياليت يالغاليات الليعندها اي معلومات وخلفيه عن عيادات متخصصه بالرياض للأبر هذي تدلني عليها تكفووووووووووووون بنات والله محتاجه الرد بأسرع وقت
خبركن ودي اطلع بطله غييير بالعيد ان شاالله
ومع الف سلامه وربي يحفظكن جميعا ان شاالله
والله يبلغنا بهالشهر الفضيل ان شاالله ويقبله منا
قولو اااامين
يالله مع السلامه