والله يا بنتي انا بناتي وحريم عيالي ماشاءالله لا قوة الا بالله يتجمعون عندي يوم اجازة العاملة وان بناتي الثنتين الشابات والله ما يرضون على ان البيت يكون فوضى
وانهم يتكلمون وما يستحون
ليش يستحون اصلا
ذولا خواتهم
وانا ادعمهم صراحة
كل وحدة تنظف وتوجه عيالها

بالبداية كانوا يسكتون لما كان عدد الاحفاد الله يحفظهم ٢ ثلاث لكن لما ماشاءالله لا قوة الا بالله ربي رزقهم بأطفال بعد
زادت الفوضى فصاروا يتكلمون مباشرة ولا يستحون وانا بعد اكلمهم
والحمدلله صار الحال افضل من اول

فلا تستحين
الله يقويك

انتبهي تتحملين زيادة. لأنك راح تنفجرين ويمكن لأقدر الله تجي منك بأسلوب مايحبونه. وتخرب اخوتكم. فما دام باقي عندك شوي صبر. اجلسي مع أمك ولا مع وحده من أخواتك تكون متفهمه واعطيها الي في بالك. وبعدها هم يتكلمون وتنزل قرارات للكل. وعسى الله ييسر امرك ويرزقك العون والقوة والرزق الي يسر خاطرك.

صباح الخيرات ...
والله صراحة الحياء في بعض امور الدنيا ما تنفع وبعدين الموضوع أصلا ما يحتاج كل هالشعور والاحراج ...بالعكس لمه العيلة تهبل وخليها عادة لا تقطعيها ....
انا ماعرفك ولكن من أسلوب سردك للموضوع وذكر عمرك في البداية دليل ان هالسي مضايقك ... ما لومك للأمانة ..تكوني متعودة على نمط معين وهدوء ونظافة وترتيب ..
ولكن هاالشي ما يمنع تنبهي عليهم من ناحية أطفالهم ...وك فكرة انا وخواتي مسوينه لا تجمعنا انه نسوي قطه من50ريال كل شهر يحطونه بصندوق العيلة عشان تجهزي لهم سهرات وجمعات من موالح وحلا وقهوة وعشاء بكل ويكند تطلبية ولا تتعبي نفسك وتنبسطي انتي معهن ...
ولكن صدقيني خليك فري وحيوية معهن وبالقروب انتي اعزميهن وقولي يافلانه جيبي حبل وانتي جيبي موالح وانتي حاتي كرك وانا بضبط لكم سهرة وناسة ...
الأطفال جيبي لهم مفرحات وخلي لهم المقلط يلعبون ويحوسون فيه ..
الثلاجة قفليها اذا الأطفال يحوسون
والمطبخ شيلي الآلات الكهربائية اللي تخاف تخرب وحطي ملاعق وصحون بلاستيك
وفري صامولي وجبن واعتبريها وانويها صدقة ... تتقربي من الله فيها ..
تراها كلها خمس أيام بالكثير بالإجازات وايام الوي كند ...
حتى لو امك تضايقت طبعبي الكبار بهالعمر يحبون الهدوء
هوني عليها وقولي اللمة حلوة ...يامي انبسطي
خلي الموضوع هين ولا تتعقدي منه ...
اسال الله العظيم انه يعوضك بالحياة السعيدة مع زوج وأبناء يملون عليك حيااااتك ...

الله يعينك ياقلبي عادي اتكلمي معاهن بصراحه يهجدن عيالهن ويساعدنك ماهو معقول يكون كل شي على راسك يمللوك زيارتهم التعاون حلووو

شوفي من يدخلون قولي انتي يا فلانه عليك كذا من الشغل وانتي يا فلانه عليك كذا يعنى قسمي الشغل عليهم
والاشياء دقي عليهم واطلبي الشي يجيبونه معاهم وقوليلهم بدون حيا وشله الحياء وهم كلهم جايين لكم من وين لك لكل الناس