بنااات ساعدوني

عزيزتي اختاري الفكره عشان تقدريين تحددين الالوان والستايل
مثلا فكرة البحر او السحاب والسما اللون الازرق بدرجاته
فكرة الغابات اللون الاخضر بدرجاته
الحدايق اخضر وملون
قوس قزح ملون
تقليدي او من البيئه الون البيج والذهبي والبني
الشمس اللون الاحمر والبرتقالي والاصفر(الالوان الناريه)
الستايل المودرن والمعدني اللون الاحمر والازرق الصفر االاخضر الالوان الساطعه والفضي والذهبي
في افكار كثيره ما اقدر اعددلج اياها بس انتي حددي وما يصير خاطرج الا طيب
:27:

فكرة الغابات اللون الاخضر بدرجاته

الشمس اللون الاحمر والبرتقالي والاصفر(الالوان الناريه)

الالوان هذي حلوه وماشفتها في كل الاعراس اللي سرت لها لكن فكره الصياني والمداخن والدلااال

اول مره اشوفني محتاره يمكن لان الثاني واخر واحد عندنا وابا اسوي شي حلووو

mznah

احس عندج افكار ياليت تساعديني

وانا اول مره اشوف نفسي محتاااره

سااعدوني ابا شي محد سواااه

هلا الغاليه
غالي والطلب رخيص
اول شي هل اخترتي الكوشه؟؟ وشو فكرتها طبعا لازم الالوان تناسب فستان العروس وبوكيه الورد
مثلا فلنفرض انج اخترتي فكرة( الشمس)
طبعا معناته انه الديكورات لازم تغلب عليها الالوان الناريه
مثلا ممكن تختارين لونين البرتقالي مع الاصفر الناري للمفارش بس هني بتطلع الالوان وايد قويه وواضحه بس الاهدء يكون اللون الاساسي للمفرش بيج وعليه مفرش مطرز باللون الاصفر الناري او البرتقالي او ممكن تدمجين اللونين
ممكن تحطين في نص الطاوله سلة زهور تناسب الالوان هاذي بس الاحلى تحطين زهور عباد الشمس او في نوع مثل زهور الكازبلانكا لونها اصفر وبرتقالي ممكن ما تكون سله ممكن يكون حوض سمج فيه سمكه ذهبيه والورود مزينه حوض الزجاج ممكن تحطين الشرار في وسط الزهور عشان يوم تدخل العروس تولعونه بدال الشمع
على مدخل القاعه الزهور بعد تنسق بنفس درجات الالوان عشان تأهل العين للي داخل
ممكن يكون الستيج اللي بتمشي عليه العروس ينحط عليه بعد الشرار الكبير مال الاستعراضات بس طبعا لازم يكون عرض الستيج كبير عشان ما يوصل لفستان العروس
ممكن فكرة البطاقات اللي بتوزعونها تكون عليها صورة عباد الشمس او اي شي يناسب الالوان
في العاده احنا نحط دلال القهوه والفنايين على كل طاوله عشان نريح عمارنا من عملية الصب فممكن تفصلين لبس لامع ومزركش للدلال وصحون المكسرات والحلويات اللي على الطاوله تكون مناسبه للديكور
الافكار كثيره بس لازم الواحد يحدد عشان يقدر يبدع
وطبعا لازم تشوفين الشركه اللي بتتعاملين معاها انتي اشرحي الفكره لهم وهم بيعطونج بعد افكار اكثر سواء اللعب في الاضاءه والصوت وغيره
اتمنى اني افدتج
واذا في شي ثاني انا حاضره:27:

مرحبا mznah

بصراااحه تداخل الالوان حلوووه وفكرت اسوي البرتقالي اللي يعطي لون خريفي

وبشوف شركه المناسباااات للاعراااس

يزاااج الله خيير الغاليه

ومنى لج

:26: :26: :26: :26: :26: :26: