بنااات شعري يناديكم ,, دقو على 911 تبع الشعر ومروني هههههههه

السلام عليكم

كيفكم حبيباتي؟ وكيف اجازتكم؟ يارب تكونو مبسوطات:)

حبيباتي قريتلك كم موضوع ولفتم انتباهي بثقافتكم في مجال الشعر ,, ربي يحميكم (ماشاالله)

فقلت استشيرك بموضوع شعري اللي جنني

حبيبتي انا بنوته عمري 19 سنة , شعري لما نص ظهري ماشالله(تعبت عشان اشوفه بهدا الطول لان شعري مايطول بسرعه وفرحااانه بطوله حتى ما ابغى اقصه ليومك هدا ) قبل سنتين (ايام الثنوي) كنت كل فتره وفتره ازيتو بالزيوت السبعه (الشمطري - لوز - جرجير - زيتون - سمسم - نارجيل - خروع), وساعات احط مايونيز , وكل فتره وفتره احني , مره احط بصل . مره كركديه , مره دم غزال ... يعني تقدري تقولي كنت مهتمه لاني فاضيه

وماشالله شعري كان رطب ويلفت النظر , صح مو ذيك النعووومه بس تحسيه حيوي لانو طبيعة شعري تحسيه على كيرلي خفيف وبعدين صح انو مو كثبف بس يبين للناس انو مليااان ماشالله لانو ينفش (مني عارفه كيف افهمكم بس اكيد مرة عليكم شعور زي كدا بحكم خبرتكم)

اوكي انا ابغى احطكم في الصوره بالمقدمه هدي

مشكلتي اني هدي السنه كانت اول سنه جامعه ودوامي مره طويل يعني ارجع البيت ويدوبك انشغل بالبحوث والخرابيط ومررره ما افضى لشعري , يعني طووول هدي السنه ماحنيت شعري ابدا , زيوت ما احط الا فييييييييين وفين , وساعات كريم مغذي واغسله !

والصيف اللي فات جربت الحلبه مع العافيه بس ماكملت خفت من المضار اللي قالو عليها البنات

ودحين خلصت السنه وشعري يبغى ينطق من التقصف في اطرافو , و غير كدا صاير منظرو تعباااان حتى كتير من جماعتنا زعلانين على شعري اللي تغير فوق تحت

وهدا الشي اثر في نفسيتي .. وقلت لازم ابدا اهتم وارجعو احسن من اول

---------
بداية الاجازه حنيت مره وحده (قبل 3 اسابيع) , وقبل اسبوع حطيت زيت زيتون مع مويا حاره وضربتها بالخلاط وحطيته بشعري .. امس حطيت خلطه كان فيها (زيت زيتون - زيت ذره - زيت لوز - بن - عسل - موزه) وغسلته بشامبو بانتين بالحماية الذهبيه وحطيت جوا الشامبو بيضتين كامله ورجيته وغسلت شعري فيه

هدي الاشياء قريتها بالنت وحبيت اجربها

ولما دحين مني حاسه بفرق ,, لسا شعري ناشف وتعبان

ومني عارفه ايش اعمل

نفسيتي مرره تعبت , وغير كدا انا من البنات اللي يخافو على نفسهم وما احب العب بشعري باي خلطه الا لما اقتنع واقرا واستشير

وحبيت اقلك اني عمري ماصبغت شعري , وما استشور الا وقت الضروره

وادا عن فاكهه وخضار مني حريصه بس احاول اكل كل فتره

انا كدا فضيت اللي بقلبي وابغى نصيحتكم

واعرفو انو بكلامكم ونصايحكم وارشاداتكم راح تفرجو همي . ومن فرج على مسلم كربه فرج الله عليه كربه من كرب يوم القيامه حبيباتي

الله يعافيكم عنوناتي ادا عندكم خلطات تشوفوها مفيده مع حالتي افيدوني
وربي يجزاكم بالجنه:)




اختكم الصغنونه

يناسووو