انتاليا :

اول شي اشكر كل وحدة مرت وررفعت او علقت ع الموضوع جزاه الله كل خير واسعدكم ربي دنيا واخره شكرا لكم من القلب . اختي عواطف تركي جزيتي كل خير واسعد الله قلبك وابعد الله عنك كل مكروه الان فهمت من كلامك لو احفر الارض ماقدر اسويه صح بس تكفين ارشديني لاسم شركتين او 3 موثوق فيهم ومو غالين مهنا فلوس والاهم هل تنصحيني اسوية او لا ؟؟

اول شي اشكر كل وحدة مرت وررفعت او علقت ع الموضوع جزاه الله كل خير واسعدكم ربي دنيا واخره شكرا لكم...

عواطف تركي :

امين وياك يارب الله يجزاك خير على دعواتك الله يسعدك اما بخصوص ترشيح شركات ممكن اعطيك اسماء شركات كثير لكن ما اضمن لك ان شغلهم كويس او مايتضيع فلوسك معاهم وتخسرين لاني كنت بشركه لها سمعه طيبه وخدماتهم من افضل الخدمات سواء بالاستضافه او التصميم والبرمجه او الدعم الفني ثم اخر سنتين صارت سيئه جداً ومماطله للعميل بشكل لا يوصف وانا جلست سنه كامله اشتغل بدون راتب على أمل انه الامور تزين لكن اكتشفت انه فتح شركه ثانيه بإسم ثاني وبدأ يشتغل وانا اكلت المقلب وصار مايرد علي وتركته المقصد من كلامي انك لا تثقين في ان الشركه الفلانيه زينه بناء على ترشيح هي حظ نصيب وتوفيق بعضهم يغريك بالكلام ثم اذا دفعتي الفلوس يماطلك او شركه يكون مبرمجهم يماطلهم او يسحب عليهم وانتي تتوهقين وعشان تعرفين افضل سعر كلمي اكثر من شركه وقارني اسعارهم وشوفي جودة بعض اعمالهم السابقه لعملائهم وتأكدي انها شركه رسميه ولها سجل تجاري عشان لو حصل نصب تقدرين تشتكين ولا تدفعين الا من خلال وسيط يحفظ حقوقك يعني اذا تم العمل الوسيط يحول له المبلغ واذا ماتم يحوله لك ويخصم اتعابه . وترى عالم الانترنت مليان نصابين ممكن يجيك واحد يعرض عليك سعر رخيص ماتتخيلينه وبالنهايه يطلع نصاب والغشيم ممكن ينخدع بالسعر لان البرمجه غاليه مافي مبرمج مستعد يضيع وقته ومجهوده ويعطيك سعر رخيص فحطي هذا الشي في بالك لو كنتي حابه تبحثين عن برمجه اما بخصوص مشروعك اذا انتي مو قادره تدفعين 10 أو 20 ألف تكلفه للمشروع ما انصحك ابداً وشيلي الفكره من راسك .. لانك بتخسرين فلوس كثير بس عشان تبرمجين التطبيق وممكن تحتاجين سيرفر اجاره الشهري غالي وممكن تحتاجين دعم فني وصيانه كل فتره وبتخسرين فلوس زياده على اللي دفعتيه للبرمجه وبرضو موضوع التسويق والاعلان للمتجر هذا لحاله يحتاج ميزانيه وممكن مايجيك اقبال قوي وتتحطمين والكلام لك ولغيرك لا تفكرون تدخلون في مشروع ماعندكم إلمام كامل فيه مع دراسة جدوى مع وضع اكثر من خطه متكامله للمشروع خطه اساسيه للانطلاق وخطه بديله للانقاذ في حال فشل الاولى وخطه ثالثه لوقف الخساره والخروج بأقل الخسائر وهكذا ومثل هذا المشروع تطبيق متجر الكتروني ما انصح فيه الا لاصحاب المحلات الكبيره او التجار الكبار اللي لهم اكثر من منفذ بيع مايعتمدون على التطبيق اعتماد كلي ، لانه يقدر ينزل عروض قويه ويعوض الخساير ويسوق للتطبيق من خلال المحل اما الشخص العادي الافضل مايخسر فلوسه

امين وياك يارب الله يجزاك خير على دعواتك الله يسعدك اما بخصوص ترشيح شركات ممكن اعطيك اسماء...

انتاليا :

شكرا شكرا لك من القلب جزاك الله كل خير عزالله نصحتي لله ووفيتي ولاتخافين حقك من الشركة ما راح يضيع ابد عند ربك وباذن الله ربي يعوضك كل خير . خلاص كنسلت التطبيق اولا مهنا فلوس وثانيا توي خسرانه من محلي الي راح والله لاسويت له جدوى ع الله والحمدالله ع كل حال ربي يعوضنا ان شاءالله خير بس المشكله ماتوب افكر ارجع افتح محل ملابس بسوق بازار الي عند ايكيا وهالطقة بس امانة متخوفه من السوق الي له 3 سنين مافتح بس ايجاراتهم ومساعدتهم للزبون تغري ولقلت لهم السوق مابه احد وراه مافتح للحين قال لو انتي تفتحين وعقب الثاني يفتح تنفك العقدة ومرات اقول خلاص باخذ به وافتح وتخيلي السوق فاضي مافيه الا كافي فاتح بس احيانا ودي اغامر وافتح انا الوحيدة بالسوق وعقب التاس تغير وتفتح مثلي هههههههههه جد مدري لو ممكن شوري علي احب النقاش والسواليف لانها تفتح افق ماكانت ع البال

شكرا شكرا لك من القلب جزاك الله كل خير عزالله نصحتي لله ووفيتي ولاتخافين حقك من الشركة ما راح...

عواطف تركي :

امين الله يعوضنا وياك كل خير انا ماعندي خبره بالاسواق والمحلات بس شي معروف انه اذا ماعندك دراسه ولا مخططات تمشين عليها طبيعي تخسرين مافي شي اسمه على الله لازم يكون عندك تصور كامل ومعلومات وخبره بالتجاره والبيع والشراء . ماراح تصيرين احسن من باقي التجار ولا اشطر واذكى منهم يوم تركو المحلات ومافتحو لهم شغل يترزقون منه اكيد حسبوها صح من ناحية اسعار الاجارات والفواتير والضرايب وقلة اقبال الناس وشافو انهم خسرانين ومافيها مربح وتركوها وحفظو فلوسهم فلا تغامرين بفلوسك ولا تنخدعين بالكلام المعسول لان صاحب المحلات طبيعي يبي يترزق من الناس ووده يشغل المحلات ويأجرها مايهمه تخسرين او تربحين فما بالك انتي تدخلين المشروع بدون تخطيط ولا خبره يعني الخساره مؤكده لو تتصدقين بالفلوس افضل بمليون مره من انك تحرقينها بخساير على الفاضي . وانا مره كتبت رد بقسم المشاريع التجاريه في احد المواضيع عن شخص يطبخ بالبيت معجنات وورق عنب وكيك ودونات وسينابون ويوزعه كل يوم بمحل معين متفق معاهم ومتفق مع سواقين للتوصيل هذا الرجال شارك بمسابقه او فعاليه تتعلق بالطبخ والهديه محل مجاناً لمدة كم سنه يعرض فيه منتجاته وفرح وانبسط وبعد الفرحه بدأ يفكر ويدرس الموضوع ويسأل ويستشير وحسبها من ناحية التراخيص والفواتير والاجهزه والصيانه وعدد العمال والاستقدام ورواتبهم وسكنهم والشروط اللي لازم يتقيد فيها والعقبات اللي ممكن يواجهها وشاف ان المحل بيخسره ويتعبه اكثر من انه يستفيد منه وقرر انه يبقى يشتغل بالبيت مع الشغالات اللي جايبهم يساعدونه أوفر له واريح بكثير من التعقيدات اللي اتضحت له . انا اقول اذا ماعندك خبره امسكي فلوسك مو كل شي تغامرين فيه وتجربين بكرا جد تخسرين خساره كبيره وقتها تتمنين انك هديتي اللعب وماضاعت فلوسك على الاقل تبقى بالبنك الى ان الله ييسر لك مشروع مناسب او تحتاجينها .

امين الله يعوضنا وياك كل خير انا ماعندي خبره بالاسواق والمحلات بس شي معروف انه اذا ماعندك...