بنااات لو انتو بموقفي وش تسوون

السلام عليكم ورحممة الله وبركاته

حوائيات ربي يسعد قلوبكم جيت احكيلكم قصة ألمي موقادرة احكيها لاحد
تعرفون نظرة الناس ولاحتى خواتي مابيفههمون علي

قبل أكثر من 6 سنوات كنت اتمنى اتزوووووج ووقتها كنت توي بأول كليه

وطبعا كنت صح اتمنى الزواج بس عشت حياتي مثل كل البنات متفائله إني بافرح

ف يوم والبس الفستان الابيض والطرحه ويمكن ماتصدقون لو اقلكم إني جمعت فساتين
العروس والتسريحات والميك اب وكنت كل سنه ادور موضه السنه من فساتين
ووو غير إني كنت اشغل تفكيري بشعري وشلون اتعامل معه والدبش من وين أبدأ وبوشو سبحان الله
عمري ماتخيلت انه ممكن اكون بهالعمر وانا ماتزوجت ولا انخطبت حتى
ماآبي اقلكم اني جميله ولكن يشهد الله اني القى كثير يستغربون ليش اني ماتزوجت للحين
الله له حكمه
نرجع للقصه بنفس الفتره حصلت ظروف لناس من اقاربنا وهم بمنطقة واحنا بمنطقة بعيدة عنهم وصاروا كل فترة
ينزلون ويجلسون عندنا ويرجعون وكذا المهم كانت علاقة اهالينا ببعض مره تمااام عشان كذا
لجأو لابوي وقتها
وبعد الاحداث اللي صارت صارت بنتهم صديقتي مره مره والله العظيم بعد ماسافروا
كانت تكلمني يوميا ونجلس مع بعض بالساعات ماتتخليون اش كثر صرنا مع بعض
وكنا متشابهين كثير ف الاسلوب والصفات والافكار وكنا ثنتينا نتمنى الزواج وكانت
دايما تقولي ادعيلي وانا ادعيلك وبعد سنتين من تعارفنا كان بيزوجون اخوها الصغير
وكانو امي وخواتي متوقعين يخطبوني او اختي اللي اكبر مني لان امه قالت لامي ولمحت لها
مليون مره انها تبي وحده مننا بس اختي انخطبت وقتها ووافقت وتم زواجها الله يسعدها فقامو
وخطبوا لولدهم وتزوج وكان هو الصغير بقي الكبيرر
والين هالفتره انا واخته علاقتنا بعدها زينه فمره كانت تمدحلي باخوها وانه
ماشاءالله عليه وكذا وانا يشهد الله اني كنت اعلق بحسن نيه واقول ماشاءالله عليه
الله يخليه لكم هي فهمتها اني ابي يخطبوني لاخوها ومن زود الفهاوه مااستوعبت
الابعد فتره طويله من تلميحاتها ان اخوي مايبي من الجماعه وترمي كلام فهمت انها فكرتني
ميته على اخوها
وكنت دايما اسمع ابوي يمدحه واخوي بعد كانو يحبونه اهلي وكان مايجي زياره لمنطقتنا الا ويمر
على ابوي يسلم
المهم ووقتها كنت للحين ماانخطبت
فصرت ادعي ان ربي يرزقني به زوج لي وبنفس الوقت كنت اوقات ادعي اتزوج وخلاص
بما اني صرت اخر وحده وخواتي ماشاءالله كلهم تزجو صرت احس بالوحده وانا لحالي ف البيت
مع امي وابوي وسبحان الله بعد سنه بالضبط من كنت ادعي به سمعت ان امه تمدحني بكل جمعات اقاربنا
وصدق كانت معجبه فيني وكانو البنات يقولون لي الظاهر بتخطبك لولدها
الييين هنا والموضوع كان عادي بالنسبه لي لين خطبوله وسوو الشوفه
طبعا خلاص شلته من بالي
وبعدها انتهى الموضوع اظن البنت رفضته وقتها كانت خلاص علاقتنا انا واخته مب مثل قبل
صح نكلم بعض بس سلام وسواليف عامه بسس

الين مره ابوه كلم زوج اختي انه ولده يبيني ومن هالكلام و ماشفت شي
عاد وصلنا للمهم امه صارت تقول للناس انها بتخطبني وصار كل بيت بالجماعه عنده خبر
قسم بالله تفاجئت قبل فتره ان فيه وحده من اقاربنا زعلت على اهلي تقول لامي بنتكم تنخطب ولاتعلمون
امي انكرت السالفه وقالتها والله ماصار شي جد بس ماصدقت المهم وكنت كل فتره
اسمع بالسالفه وراحت اختي سألت وحده من البنات تمون عليها مين نشر هالكلام قالتلها
خالتي فلانه اللي هي ام الولد قالته بلسانها
وصارو اقاربنا متوقعين ان اهلي يخبون خايفين من العين والخرابيط

والحين قبل اسبوعين او ثلاث قالت لي وحده مرررره قريبه منهم انهم خطبوله
والمشكله هو يكلم زوج اختي ويقوله انه بيروح بشوف البنت اذا ماعجبته بيرجعلي
بما اني بعدني ماانخطبت لا وبعد يقوله كم سنه إذا ماتزوجت اتزوجها الثانيه >> شفتو وقاحه زي كذا
وتدرون انا الحين كم عمري باواخر العشرينات وهو واهله اختاروا اللي خطبها اللحين لانها صغيره
تو متخرجه من الثاانويه اظن وهي بيضضا وانا لوني قمحي
عشان امه وخواته يبون له وحده بيضا مرره وصغيره

بنات اتكفووون اللي عندها كلام يجرح لاتقوله
لو انتم بموقفي وش تسوون
ادري انه نصيب بس القهر يوم ينشرون عنك اشعه و4 سنوات وهم يكبرونها عند الناس
وبعدها يجون يقولون خلاص كبرت البنت مانبيها
الوحده تذبح ولما تشوفين صديقاتك والبنات اللي تعزينهم تخلوا او انشغلو عنك لانهم تزوجوا وخلفوا
وانت بعدك مكانكتحسين نفسك مو مرغوبه رغم انه ماناقصك شي ابد ابد
تصدقون مره صديقتي الروح بالروح قالت لي الظاهر ان العرسان مابيدلون باب بيتكم ابد الله يسامحها