بنااات هل اسلوبي صح والا غلط والا على قولة زوجي عاطيتها وجه ؟؟؟

السلام عليكم
بنات ابي اعرف منكم كيف تعاملون الخدم ؟؟؟ مثلا الشغاله الي عندي اسلوبها غالبا بالتلميح يمكن لانها توها جايه صار لها اسبوعين .. يعني اول شي قامت تلمح لي بانها تبي جوال عشان اذا بتكلم اهلها او ترسل لهم مسج لما حست مني ان مو اكيد البي طلبها الا تقول انها بتخليه كلله مقفول بس وقت اتصالها وانها عاادي بتخليني اشوف .. للحين ماعطيتها كلمه .. وش رايكم بنات ؟؟ والشي الثاني انها تحب الاكل مو مشكله لكنها قامت تلمح لي بالمطاعم الي موجوده وتسأل عن كنتاكي وغيرهم ؟؟ تقول لما كانت قبل تشتغل كانت تاكل من هالمطاعم ؟؟ يعني يبي لها ميزانيه خاصه لاكلها :30:سؤالي بنات هل انتوا عاادي تخلونهم معاكم اذا بتروحون مطعم وتشترون لهم وجبات من المطاعم المعروفه ؟؟ في العاده عاادي تخلونهم ياخذون راحتهم في انهم اي وقت تفتح الثلاجه وتسوي الي تبيه ؟؟ هل ياكلون معكم في نفس المكان والا في المطبخ ؟؟؟ متى تصرف من راتبها ؟؟ لانها بعد تبي كريم لبشرتها تقول جافه ولما جت عند التفتيش اخذوا كل اغراضها ؟؟اتمنى القى جواب لكل تساؤولاتي وعلى فكره انا عاادي اسولف معاها مابيها تحس انا اغراب عنها وانها وحيده مادري طيبه زايده فيني او هذا الاسلوب الصحيح .. لاني مابيها تنظر لنا بحسد ان عندي زوج وبنات عني على قولة زوجي عاطيتها وجه داايم يعلق على اسلوبي ولطافتي معاها داايم ابتسم لها واتكلم معاها واذا عندها اغراض تحملهم اساعدها ...؟؟؟ هل اسلوبي صح والا غلط ؟؟؟
انتظر ردودكم