بنااات ودكتورات (الجلوكفاج) الله يسلمكم

up :(

السلام عليكم
اختي منى
انا استخدمت الجلوكوفاج قبل لا احمل ولازم تاخذينه على طول مو بس ايام الدورة وما منه ضرر على الحمل
لأني كنت مثلج خايفه وسألت دكتورتي قالت لي تاخذين الجلوكوفاج حتى لو مايت الدورة ولما اليوم اللي تحللين ونقولج حامل توقفينه
وسألتها شنو فايدة الجلوكوفاج انا اللي اعرفه انه علاج لمرضى السكر؟!
قالت الدكتورة: الجلوكوفاج يحسن تنظيم الانسولين بالجسم بالنسبه لمرضى السكر لكن لقينا انه له أعراض ثانية واهمها (تنشيط المبااايض) علشان جذي لازم تاخذينها مع الكلوميد تخلي البويضات يكبروون اكثر
بيني وبينج كنت اتكيسل اخذ الحبوب لان يسببون لي لوعة واسهاال وكان بويضاتي مايكبروون بسرعة وكانت تسألني الدكتورة:انتي تاخذين الجلوكوفاج ثلاث مرات باليوم مثل ما وصيتج؟
وانا اكذب واقول ايه!
وتقوللي غريبه المفرووض تكبر البويضات معاهم!
ولما خذيت الجلوكوفاج بانتظاام الصراحة فرقت معااي والنتيجة ولا أروع البويضات عال العال يكبروون بسرعة ولما اشوف بويضاتي بالسونار نسيت التعب من الحبوب والحمدلله حملت وولدت وحملت مرة ثانية و ولدت
شكلي لجيت راسج سامحيني بس حبيت اعطيج ادق التفاصيل لعل وعسى تستفيدين وما يكون شي محيرج واي سؤاال اذا اعرفه انا بالخدمة راسليني على الخاص لاني مو دايما ادش القسم
تحياتي ودعواتي لج بالذرية الصالحة يارب

اختي تفاحه خضراء

مدري شقولج نورتيني الله ينور دربج ياااااارب ويرزقج كل ما تتمنينه
ويخليلج اعيالج والله كلامج طمني وبث فيني التفاؤل ويااااااارب يرزقني الذريه الصالحه
انا وكل المحرومااات
ماقصرتي يا الغلا ^_^