بناات ابي فزعتكم تكفون الله لايحرمكم الجنه

السلام عليكم بنات كيفكم ايش اخباركم ان شاء الله دوم بصحه وعافيه
حابه استشيركم بموضوع لي جاب لي الهم والغم والله ي بنات نفسيتي تعبااانه مرا مرا
ابيكم تساعدوووني وتعينووني
بدخل بموضوعي ع طول انا صار لي متزوجه تقريبا حول 5 سنوات وعندي طفلين
حياتي السنه الاولى مع زوجي كانت ممتازه ومن السنه الثانيه بدات المشاكل طبعا زوجي تنقل من منطقه لمنطقه بسبب ظروف عمله وتحملته وقدرت وضعه صارت لي مشاكل مع اهله وتحملت وسكت وصبرت اهانني عندهم كم مرا وسكت كم مرا انضربت لدرجه ضربني مرا بوجهي واغمي علي فورا واخذ مني الجوال عشان مااكلم اهلي واقولهم
قبل فتره ربي اراد ان يفضحه قدامي شفت له محادثه مع صاحبه ويقول ابي نفر قال عندي نفر ب60 قال هو عطيني ب200 استغربت هالكلام مرا وجلست افكر وش( نفر )وجلست ابحث واسال وطلعت حبه مخدره هنا انصدددمت كنت اشوف زوجي يسهر 3 ايام ويناام يومين اقول هذا ايش فيه حسيت انه مو طبيعي ولا يصلي وعيونه تصير حمرا
ومرا شفته يقول لصاحبه والله ماسكه معي من امس اهاوش بعيالي هنا تاكدت انه مدمن وكم مرا دخل علي وهو شارب كنت اشوف شي مكبوب ع ثوبه ولما يقفل الباب زي اللي مضيع فتحة المفتاح هنا استغربت كمان وكم مرا سب اهلي وتفل ع جدتي وامي واهلي ساكتين وصبروا عليه اهلي طيبين مايحبوا المشاكل وكم مرا ادخل عليه وهو يمارس العاده كنت اقول انا عنده بالبيت ويمارس العاده وكم مرا جامعني بالدبر وانا مو راضيه كنت ارفض واكتشفته انه مؤيد لداعش ويوم اتكلم عليهم يقوم يسبني واخر شي بس طلبته يوصل لي نت ورفض قلت طيب جيب لي بطاقه شحن قام وسبني وقال لي خذي عفشك وانقلعي بيت اهلك وصار يهدد بالطلاق ورحت بيت اهلي وصار يراسل ع الواتس يجيب طاري الطلاق والاولاد وصار ينرفزني بامور عشان اطلب الطلاق ويقول برجعك وبوريك وين الكرامه وانا رافضه ارجع له وقال انا ضربتك مرتين وهو اكثر من مرتين ويقول الثالثه بتوصلك ويتهمني بالنشوز ويقول روحي اخلعيني بالمحكمه واتنازلك عن المهر عشان عمي والحين يقول اخلعيني وتنازلي عن الاولاد مقابل المهر صار يهددني بالمهر لانه يعرف ابوي مديون وكلما جبت له طاري قال اخلعيني احس وراه شي مرات يقول ماابي المهر ومرات يقول بتنازل مقابل تتنازلين عن الاولاد
ي بنات انا ابيه يطلقني خايفه منه خايفه يسوي شي لي ولاولادي وابوي مديون مااقدر ادفع له المهر
ي بنات اللي تعرف شيخ او قاضي ترسل رقمه لي خاص تكفوون ردوا علي وارشدوني وعلموني يابنات فرجوا همي الله يفرج همكم ..