أهلين حبيبتي أنشالله ترجعين بالسلامه ولاتحتاجين لأحد. أنا بكلمك بصراحه
أول شي لا تاخذين الأمور بحساسيه زايده يعني طالما أنهم يمزحون معاك خلاص يصير هم أسلوبهم جاف في المزح وردي المزحه بمزحه مثلها وريحي راسك. بعدين أحمدي ربك أن مزح موشي جد ...وشوي شوي تاخيذين على أسلوبهم ويصير شي عادي بالنسبه لك.
الشي الثاني.. ((ارجع البيت اجلس ابكي وماانام وافكر طب ليش انا مارديت وقتها وقلت كذا واجلس احس نفسي مقهووره لاني مارديت عليها وماعرفت ايش اقول والله اني تعبت ونفسيتي صارت عدم )) لاتخلين أشياء مثل هاذي تأثر على نفسيتك وبعدين يرجع على بيتك وزوجك وأسلوب تعاملك.
الشي الثالث...حاولي تعززين ثقتك بالنفسك بحيث مايكون أي كلمه تهزك و تأثر عليك...
ورابع شي .... ربنا يوفقك ويسعدك ويسخرلك ملائكة السماء وجنود الأرض...
...أتمنى أني قدرت أفيدك...

ما فيها شيء ... قولي لهم بصراحة انك ما تقبلين هالنوعية من المزح وما تتحملينه مثلهم
وبعدين المهم راحتك النفسية .. وش فايدة الاجتماع اللي بيجي من وراه كدرة خاطر ..

أعتقد أنها ماهي مصيبه إذا خسرتيهم لأن ما جاء من وراهم إلا الضيق ....
أنت صارحيهم تقبلوا وفهموا كان بها ........وهذا دليل أنهم يستاهلون تمسكك فيهم


زعلوا وتركوك .....أفضل لك لأن ما جاك ولا راح يجيك منهم إلا الهم ...يعني ربك يعوضك أفضل منهم ...........وعندك المنتدى يوسع صدرك ......
وفيه قسم للمغتربين يتعرفون فيه على بعض .........أطلعي عليه ......

يا أختي أنا كنت مثلك وأنا بديرتي .......أسكت وإذا رجعت البيت أقول ليه ما قلت وليه ما رديت
و و و و و و و ................
أعتقد أننا نتعب أنفسنا نفسيا والناس ما درت عنا وأصلا ما يستهلون الهم والضيقه .......

طنشي يا شيخه وأرتاحي وإللي بقلبك قوليه ساعتها ....وإلا لاترجعين للبيت وتقولين لنفسك ليه ما قلت ويا ليتني رديت ......لأن فيه مثل عندنا يقول (الحكي بالفايت نقصان بالعقل )

وصدقوا لأنه شئ صار وأنتهى ليش أقضي ليلي أتحسر وأفكر ؟؟؟؟؟؟؟؟؟؟؟؟؟؟؟
عمر الكلام ما ضر أحد الأنسان هو اللي يضر نفسه بكثر التفكير في أشياء ما تسوى ........

أدري طولتها ...........لاني والله حاسه فيك ............

والله يعينك ..........

دوري

شوفي الي تقولك شي ردي عليها عاااااااااااااادي بنفس الاسلوب عطيها مزحه من نفس النوع لا تسكتين اذا كان الامر يضايقك ردي علشان ترتاحين ...........

شوفي صراحه اذا كانت تمزح مع الجميع نفس المزح الي تمزحه معاكي فهذا دليل على انها مو حاقده عليكي ولا تبي تتقصدك ولا تضيق عليكي ....الحل لاتبتسمين اذا مزحت معك ولا تحسسينها انك بلعتي المزحه يعني اقعدي ناضري لها الي ان تنتبهلك وقولي لها( هذا المزح ما اقبله انا اعزك لكن ما اقبل هذا المزح) وبعدين ردي سولفي معها ومع الباقين عادي على اساس انك مازعلتي............. لكن اذا كانت تمزح معاكي مزح ثقيل من بين مزحها مع زميلاتها فهاذا دليل على انها تحقد عليكي وشايفتك احسن منها وودها تحسس نفسها بعكس كذا وهذا باسلوب المزح الي هي تبي تقلل فيه من قيمتك وفي هذي الحاله ردي هليها وقولي لها هذا المزح مو لي ولو سمحتي وفري مزح لك انا واثقه من نفسي وعارفه نفسي عدل ... لاني صراحه مريت بوحده كذا في حياتي ومع اني كنت غريبه الا اني سفلتهاواذا كانو فعلا كلهم مستقصدينك اتركيهم ودوري غيرهم وش فايدة الزيارات للاصحاب اذا مارجعت وانا مستانسه ولا مستفيده.... وسلامتك