بناات بلييز ساعدوني

هلا بنات شخباركم اتمنى انكم بخير بنات محتاجه لمساعدتكم والله شاركت في منتداكم لاني محتاجه حد يساعدني ؟ أنا متزوجه وامس تحديدا كملت ثلاث شهور من زواجي بعدني عروس يديده وريلي والله يابنات من غير مبالغه يحبني حب ولو اطلب نجمه من السما بيبلي اياها المشكله في اخو ريلي اللي حاط عينه علي شوفوا يابنات انا ساكنه مع اهل زوجي في البيت بس في ملحق خارجي واخو زوجي متزوج ايضا وساكن ويه زوجته في البيت في البدايه من دخلت على اهل ريلي البيت رحبوا فيني والله صدق هم يحبوني وانا بعد احبهم لاحظت على اخو ريلي انه يشوفني بنظراات ما فيها احترام بس ما حطيت افبالي والصدمه كانت قبل يومين كنت قايمه الصبح وسايره المطبخ اساعد عمتي في تحضير الفطور وريلي كان راااقد دخلت المطبخ ما لقيت عمتي سالت الخداامه جان اتقولي ان ام زوجي تعبانه فقلت خلاص انا بحضر الفطور وانا في المطبخ دخل اخو زوجي وسلم رديت عليه السلام بس ما عطيته أي سالفه تخيييلو يا بنات شو اللي استوى اتجرب اخو ريلي صوبي فانا خفت فسبيته وقالي قولي اللي تبينه يا حلوه بس انا خاطري فيج وتم يقول كلام والله يابنات استحي اقوله كلااام واحد مب شايف حرمه من زمان.
طلعت من المطبخ ودخلت غرفتي وكان زوجي بعده رااقد ودخلت الحمام وتميت اصيح ومستغربه من الموقف عالعلم يابنات انه هو متزوج وحده والله صدق والنعم فيها حلووه ومدينه واايد وعنده ولد منها ومن حزتها وانا ما اتغدى ويه اهل ريلي لان بيكون موجود عالغدا والله اني كارهه القعده عندهم في البيت حتى ريلي حس اني متغيره وسألني شو فيج متغيره هاليومين كله سرحانه ومب طايعه تتغدين ويانا حد امزعلنج من اهلي قوليلي قتله ما فيني شي يتوهملك


اكيد بتقولولي ليش ماقلتيله؟



شوفوا يا بنات انا بغيت اقوله بس انا اعرف ريلي اذا عرف عااادي يذبحه يقطعه وانا مابى اودي ريلي في داهيه عشان واحد مثل هذا اتخيلوا يا بنات المشاكل اللي بتستوي ويالسه والله افكر افحرمته المسكينه لاني والله احبها حب واعزها معزه الله يعلم فيها ما اتمنى اصدمها في ابو عيالها بس والله في نفس الوكت تغمضيني انه عندها ريال مثل هذا هي اتحاول ترضيه وهو يحاول يخونها مع حرمت اخوه بس هذا بعده شو بتكون صدمتها اخافها تتطلق وبعدين بكون انا السبب اشتتها ويه ولدها والله مابي اتسرع واخرب بيتها بس لازم تعرف انه هو نذل مايستاهلها

موبس شي بعد شو بتقول عمتي بتتحراني شريره افرق الأخوان وكرهم في بعض لان هم عيلتهم وااايد فيها ترابط بنات انتوا اتعرفون العمات عدل يوم يجلبون فما اعرف يا بنات لان والله ريلي مضايج واايد مني يقولي احسج امخبيه شي عني وهذا مب من عادتج

عطوني حل بليييز ابغي احل هاي المشكله بس والله ما اعرف كيف اقول حج ريلي ولا اسكت لاني كل ما ابي اقوله امسك عمري مره ثانيه ؟ احس والله انه الدنيا مسوده افعيني وخاطري اطلع من بيتهم لاني ما ابغي اكون سبب في أي مشكله....:(