اليوم وأنا بالمستشفى كان عندي موعد وجلست في صالة الإنتظار ... وكان فيه حريم معي طبعا ... المهم كانوا اللي حولي يسولفون مع بعض وكل وحده كانت تقول قصها إما في حمل وإسقاط اوغيره ...
وأنا أثرت فيني بعض القصص وحبيت اني انقلها لكم عشان يتجدد الأمل بالله وتعرفون إن الله ع كل شي قدير ... وأنه إذا لم ترغبين الحمل حتى ولو أخذتي محصنات راح يتم ... ولو رغبتي بالحمل وماأردا الله ماراح يتم ...
والحين نبدأ بالقصه الأولــى :: فيها تجديد للأمـــــل ...
القصه تقول أنه وحده من الموجودات لما ولدت طفلي الأخير جلست 5 سنوات وأنا استخدم حبوب مانع الحمل وكانت الدوره عندي منتظمه ولله الحمد ... وما فكرت بالحمــل أبدا ... المهم بدأت أحس ان بطني صاااار يكبر ويكبر ويكبر ... بس قلت أكيد هذا من تأثير الحبوب هو اللي خلاني اسمن لان لي 5 سنوات وأنا أستخدم المانع ...
المهم تقول مره رحت لدكتوره ولما شافت بطني قالت انتي حامل .؟؟
تقول : ضحكت وقلت لا أنا لي 5 سنوات استخدم المانع ودورتي منتظمه لا تأخر ولا تقدم ... قالت الدكتوره تعالي اسويلكـ سونار .... المهم تقول يوم سوت السونار طلعت النتيجه أني ....
حــــــــــــااااااااااااااامـــل :32:
ولا ازيدكم من الشعـر بيت
لقتها حاامل وبالشهر التــــــــااااااسع :42:
تقول انا ماتوقت ابدا أن هذا ممكن يصير ... المهم تقول قالت تعالي بكره عشان تراجعين عندي المده الباقيه ... وراحت لها بكره وراجعت اول مراجعه لها في أخر شهر لها
ومن بكره ولدت :icon28: :04:
------------------------------------------
القصه الثاااانيه :
هذي وحده تقول أنا حملت في بنتي وكنت تعبااانه مره في حملها ... المهم لما وصلت لشهرها الأخير تقول بدأت احس نفسي أكثر تعب :09:
لدرجه أني احس نفسي مو قادره اتنفس النفس انقطع مني لاني دخلت الشهر العاشر لي 10 ايااااام ... وهي مو بكريه
وتقول رحت للمستشفى وقالوا لي لا روحي البيت وإذا جاكـ الطلق تعااالي .... قالت ياناس انا بأموت ابي أكسجين اتنفس بس .... قالوا روحي أنتي مافيكـ شي ...
المهم قالت لزوجها تعال نروح للحمادي أنا بأموووووووووووووووووووووت :06:
وراح فيها للحمادي المسكينه ... ولما شافواها قالوا ماتجلسين هنا ولا دقيقه ع طووووووول ع غرفة التوليد ووضعكـ تأزم مره ... مانقدر نعطيكـ لا بنج ولا طلق يعني بنحاول وربكـ كريم ...
وصار الدكاتره يضغطون ع بطنها لان ماعندها طلق ولا يقدرون يسون شي ... المهم تقول وبعد طلعت الروح ولدت ... وكان شكل بنتي زي الارنب المتجمد وزرررررررررررررررررقا بسبب نقص الأكسجين ... حسبي الله ع الظالم ...
تقول بس انا أبي اسمع صوتها بس المهم صاروا يضربون بالبنت يبغون يسمعون صوتها ماقدروا صارت الدكتوره تنغزها تنغيز لين طلعت صوت بسييييييط ...
ع طووول نقلوها للأنعاااش جلست فيها تقريبا سنه وشهرين وبعدها توفت ... الله يرحمها ويجعلها شفيعه لوالديها إن شاءالله ياارب
---------------------------------------------
القصــه الثاااالثه : أحذرووووووووه
هذي نفسها صاحبة القصه الثاااانيه تقول بعد ماصار اللي صار في بنتي قررت أني استخدم لولب لان الحبوب ماتنفع معي ...
واستخدمه 8 شهوووووووور ... ومن أستخدمت اللولب وهي مسكينه نزيف X نزيف ... تقول يمكن ماأطهر غير اسبوع او 10 ايااام بالكثير وبعد كذا يرجع لها النزيف ...
تقول قررت اني اشيل اللولب ولما رحت لدكتوره تقول مالقت اللولب ... يمكن انه نزل لانه مو واضح أنه في لولب في الأشعه ...
تقول قلت لا مانزل لانه لو نزل كان شفته وانا الحين احس فيه لاني كل ماأجلس يضااايقني ...
وجلست المسكينه شهرين وهم يدورون عليه وماحصلوه ... تقول بعدها قررت اني اروح لدكتوره ثانيه ولما رحت لقيت نفس الجواب منها ... مافي لولب
قلت تأكدي بالله شوفي فيه ولالا ... المهم لما تأكدت قالت الظاهر انه فيه وباين انه طار لجوا وبنى عليه اللحم ...
فقالت بأسوي لكـ عمليه بسيطه اطلعه ... ودخلت المقص لجواء وقصت اللحم وشالت اللولب ... تقول طلع لوووونه اخضرررررررررررررررررررررررر .... فقالوا لها لازم تتنومين عندنا لين نتأكد من سلامتكـ ...
وتنومت شهر كااامل وبعد كذا لما نظفوها وتأكدوا من سلامتها طلعت ...
---------------------------------------------
القصه الرااااااااابع والأخير : لا يأس مع الحياة والأمل بالله كبير ...
هذي وحده تقول ان اخوي متزوج له 10 سنوات تقريبا ... وزوجت ماعمرها حملت لانها عقيييييييييييييييم .... المهم تأخرت عليها الدوره اسبوعين ولما راحت تشوف وش العله ... إلا الدكتوره تقول النتيجه موجبه يعني حااااااااااامل
من فرحتها راحت تتصل ع طووووووووووووول بنفس اليوم وهي باقي بالمستشفى وتخبر الناااس وتقول علموا فلانه وعلموا فلان اني حااااامل <<< من فرحتها تبي الاس كلها تفرح معاها ...
المهم قالت لها الدكتوره يلا تعالي عشان ابدى معكـ برنامج الحمل ... ولما دخلت ع الدكتوره وسوت لها سونااااار وكانت النتيجه أن ..
البيبي متوفي :06:
ويافرحه ما تمت بس ..هذا إذا دل ع شي فإنه يدل ع ان الله كبييييييير وكررييييييييم سبحان الله
كيف خلى العقيم اللي الأطباء قطعوا الأمل بالحمل كيف خلوها تحمـــل ...
واللي أخذ البيبي قادر انه يعوضها أخير منه ....
------------------------------------------------------
وأسفه بنااات طولت عليكم ...
~ كلي امل ~ @kly_aml_3
كبيرة محررات
يلزم عليك تسجيل الدخول أولًا لكتابة تعليق.
قصص رااااائعه وتسلمين يالغاليه
وفعلا لايأس مع الحياه
ولاحياة مع اليأس
الله يرزقنا جميعا بهالشهر
يااااااارب
وفعلا لايأس مع الحياه
ولاحياة مع اليأس
الله يرزقنا جميعا بهالشهر
يااااااارب
مشكوره اختي ييارب ترزقني وترزقك ترزق اللي لها عشر سنوات يارب كلنا نحمل ونفرح بشوفة اولادنا وبناتنا يااارب وكل مسلم
وصلي اللهم على سيدنل محمد وعلى اله وصحبه وسلم
وصلي اللهم على سيدنل محمد وعلى اله وصحبه وسلم
مشكوره اختي ييارب ترزقني وترزقك ترزق اللي لها عشر سنوات يارب كلنا نحمل ونفرح بشوفة اولادنا وبناتنا يااارب وكل مسلم
وصلي اللهم على سيدنل محمد وعلى اله وصحبه وسلم
وصلي اللهم على سيدنل محمد وعلى اله وصحبه وسلم
الصفحة الأخيرة
وربي يصبر قلوبنا ويرضينا بماقسم لنا
يارب تكتب لنا الحمل