بناات تكفون ساعدوني انكب الكلوركس على عيني وزوجي مسافر قصتي كامله عزالله ماقصرتوا

السلام عليكم ورحمة الله كيفكم ****لله بخير


بقولكم قصتي كاامله اليوم ورباشتي الي بغيت اروح فيها :06:

اليوم ابو الشباااب قرر يساافر لشغله جته عليهاا فلوس طبعاا بيروح ركض

المهم راح الله يستر عليه الصباح 7 ونص بعدها شفت البيت ولقيته وسخ مره

لان بنتي تعبت وحالتي حاله وركبو لها جبس وتعبت معها وطول الوقت مقابلتها

لايمين ولا يسار والبيت صار معفن المهم قلت بروح ارتاح انام واخذ راحتي لي كم يوم

مانمت واروح انام وانواع الشخيييييييييييييييييرنق وماحسيت بنفسي الا الساعه 2

والحمدلله انا علي العذر وماخذه راحتي :35:
واقوم افطر واكل وسويت الغدا واتفرج على المطر شييييييييي عندنا ومبسوطه

بعدها رحت امسح البيت واغني مبسوطه وبعدها خلص الغدا وتغديت

ويوم ناظرت ولا جتناا مطره قوووووووووويه وافز اقوم اتفرج ومبسوطه

المهم مسحت السيراميك وكنست وانا كارهه تنظيف المطبخ مااحبه

ومتكيسله وادف نفسي على شان انظفه وقلت ليش ياابنت ماتنظفين

المجلى بكلوركس علشاان تلمع وتنطع وليتني :06:ماقلته صار نحس
المهم واجيتس ادوره وادوره مدري وين حاطته

واحوس بالمطبخ الين لمحته رويسه فوق دولاب المطبخ

واقوم من زيني على بالي طويله باخذه من فوق الدرج


وامسكه واناظر فوق

وماحسيت الا بنقطتين من الكلو ركس على عيني

انهبلت تقول احط منقط لي اه ه ه ه ه ه

يالوجع والالم واروح بسرعه واغسلها واغسلها واغسلها يمكن تقريبا نصف ساعه

وسبحاان الله لاصرتي بمصيبه يقفل مخك ومدري شخلاني اتصل على الدفاع المدني ههه

ورد علي تقول منخلع لان عندنا امطار غزيره جداا وقلت ابي الاسعاف قال 997 وسكر

وانامدري شسوي واتصل على الاسعاف ورد وقالي اغسليها بسرعه بموياا باارده

15دقيقه واذا زادت اتصلي وارسلتس اسعااف وصكيت السماعه في وجهه مدري ليش ههههه

واروح هات ياغسل مدري شسوي رصيدي صفر اليوم الراتب وابو الشباب ماشحن لي

وارسل كال مي لامي وماترد وارسل لزوجي مااايرد انهبلت مااحد يرد علي قلت بس ياابنت مالك

الا عالم حواء وحطيت موضوعي والله اشهد انكم بناات رجال وماقصرتو الي تنصح والي متزهله لي بالرصيد

والله ماقصرتو ا وانا حالتي حاله المهم بعد تقريبا سااعه

شرف ابو الشباب ووانا اصيح وانهبل وهاوشته قلتله ليه ارسلك وماترد

حلف انه ماجاه شي وكان جاي بالطريق ويقول ادري مشغوله ببنتك ومادقيت وبنفس الوقت ابيها

مفاجاه امحق مفاجاه وطيراان على المستشفى

ودخلت الطواري وبسرعه حولوني طبيب عيون وفحصني

وقالي عينك شبه محروقه من الكلوركس وفيه التهابات وافرازات انا كذا صرت:32:
وهات يصياح قلت اكيد ماراح اشوف وضحك علي الدكتور وقال بس انتي مشالله

عليك خففتي نصف الضرر

قلت وشلون قال بغسيلك لعينك فقط 15دقيقه يخفف التهابات ****اله وبيساعدك بالعلاج

الحمدلله عطااني مضاد قطره وغسول قطره الحمدلله ياارب العالمين

وبقولكم نصيحه

دايم اذا سافر زوجك يكون عندك احد قريب وجوالك يتصل وفيه رصيد وتاخذين احتياطاتك مو مثلي

مفهيه مادريت وبغت تروح عيني وانتبهو لاتزلون شي من فوق وتناظرين ابعدي شوي اسال مجرب
ونسيت اقولكم

كلمت امي قلتلها ليش مااتردين علي وهي كبيره في العمر قالت ياوليدي

التلفون يرن ويتكلم رجال همن يسكت ويصك مدري وش يبي واسال عيال اخوك

يقولون رقم مانعرفه ماطلع عندها اسمي بس رقمي شفتو قدر ياسبحاان الله ونحااسه

اخير والله انكم ماقصرتو الله لايوريكم مكروه يااارب

تعديل ادعولي يابنات هيني حمرا وفيها غباش يالله اشوف منها الله يستر ياارب وماتشوفون شر

ولكل من قالي الحمدلله على السلامه الله يسلمه ويخليه يااارب واطمنكم تراه امس العصر بس الموضوع رفعتوه يعني الحمد لله عدت على خير