بناات جدة الله يخليكم محتاجة مساعدتكم محتارة أي مدرسة أدخل

السلاام عليكم

أنا طالبة سنة تالت متوسط كنت في جزيرة العلوم بس أبى أنقل منها لأنه المعلمات ما يقدروا يضبطوا الفصل ومليووون مرة ينادوا الوكيلة تسكتهم يرجعوا يتكلموا ، وما نعرف نفهم منهم
وأنا مافي شي عاجبني بالمدرسة إلا الإنجليزي لأنه منهج أمريكي قوي ومعتمد علوم ورياضيات
وجغرافيا وأدب إنجليزي ..

بس أنا نفسي أروح البيان لأنه الإنجليزي حقها نفس جزييرة العلووم بس فيه انضباط في الفصل
والطالبات يقدروا يفهموا وكمان في رياضة ، كنت أبى أدخل قسم الموهوبات بس قالت لي لازم
من سنة أولى متوسط ، قالت لي لمن تصيري أولى ثانوي ان شاء الله ندخلك ، عشان أبى أتعلم روبوت وتجارب علمية وزي كدا ، بس المشكلة إنها بعيدة في التحلية واحنا بيتنا في النعيم/1

وكلهم يقولوا لي لو دخلتِ الباص حتدوخي لأنه بيتك بعيد حتكوني آخر وحدة يوصل لها الباص
بس ماما تبغاني أدخل الأندلس ، لأنها قريبة في شارع البترجي ، بس الإنجلش مادة وحدة وأنا كنت أدرس كل المواد إنجلش في مدرستي وأبى أستمر على كدا ( زي في البيان ) بس الحلو
في الأندلس مبناها وعندهم رياضة وسباحة


فإيش رايكم أيت أدخل ؟