بناات قطر قطر قطر قطر قطر قطر قطر بلييييييز ساعدوني

السلام عليكم ورحمة الله وبركاته

أختي أهل الكويت أهل كرم وجود

وأكيد ما يقصرون مع ضيوفهم

وأهل الخليج كلنا اخوان ما فيه فرق بيننا

بالعكس أحلى الضيوف تشعرينهم بعاداتكم وتقاليدكم ... وأكيد ما يستغربون إذا كانوا ضيوف إن تكون عادات البلد الثاني مختلفة قليلاً..

بالنسبة لعزايم الرجاجيل ... فالذي أعرفه ... أول شيء قهوة + تمر (أهم عنصرين في القعدة بكبرها) وممكن حلى بسيط ... وممكن شاي ..بس فيه ناس يخلون الشاي بعد الأكل... وبعدين الأكل يكون عيش ولحم .. أو دجاج طبعاً .. أهم شيء كمية كبيرة لأن الرجاجيل ياكلون الدنيا لو تنئكل ... مب مثل الحريم ...

وممكن مع العيش واللحم سلطة خضراء على جنب في صحون صغيرة ... وأيضاً غالباً الناس يحبون يقدمون ثريد وهريس مع الوجبة الرئيسية...في ملال متوسطة الحجم تكون موزعة على السفرة... وطبعاً ماي وممكن لبن ...

بس وبعد العشاء شاي وقهوة مرة ثانية ... والرجاجيل ما تهمهم الحلويات وايد ... حطي قدامهم أي شيء راح ياكلونه ... وقبل الانصراف يتدخنون بالعود ... وبس..

وإن شاء الله البنات الثانيين يفيدونك :)

السلام عليكم ورحمة الله وبركاته
بارقة خير حبـيـبـتي يـسـلم لسانك ، عنوده حبيـبـتي كل بيت له عاداته وتقاليده في الأكل ، وحنا عاداتنا وتقاليدنا وحدة مع إختلاف بـسـيط في مـسـمـيات الأكلات ، خلي بـصـمـتك في الأكل هي الممـيزة ، يعني خلي أكلك كله ممتاز في الطعم والنكهة وطريقة التقديم ، أنا سأعطيكِ بعض ما أقوم به في عزائم الرجال ...........
أولاً مثل ما قالت أختي بارقة خير ( القهوة + التمر ، ولا أقدم أي شيء أخر ، حتى لا تـنـسـد نفـسـهم عن الأكل ،
ثانياً . الأكل يـشـمل ما يلي ( الطبق الرئـيـسـي وهو إما متـشـبوس لحم + أو برياني لحم + أو بخارى لحم )
الطبق الثاني أعمل جريش بالدجاج المـشوي داخل الفرن ،وأرش عليه المـكـسـرات المقليه والبقدونس .
الأطباق المنوعة وهي ( الفطائر المنوعة + محـشـي كوسى ، وورق عنب ، هريـس ، مـعـكرونه بالـبـشـمـيل ، سـمك مـشوي أو
سـمك فليه مقلي + مع عيش أبيض سادة مرشوش عليه دهن عربي ثم السـلطة أو التبولة ، والـشـوربه .
وبعد الأكل نقدم لهم الشاي بالنعنع ، ثم بعد مضي نصف ساعة نقدم الحلو وهنا أتـفنن بأنواع الحلو وأقدم أنواع مختلفة . ثم القهوة .
وفي الختام أرجو لكِ التوفيق ، وأي سـؤال عزيزتي أحنا في الخدمة
ولكِ مني التحية والسلام .:27:

بااارقة خير

يعطييييييييك العافيه ياقلبي
كفيتي ووفيتي....تصدقين تقريبا نفس طريقتنا
وصادقه حلاة كل بلد لها طريقه معينه
لأني توني عرفت انكم تذبحون للضيف تيس وتقدمونه
بس المشكله حنا عندنا عيب نقدم التيس نذبح خروف عربي
مدري العلللللللم صحيح والا اشاعه افيدوووني :11:




ام ساره 2
ماشالله.....واضح انك ربة بيت ممتازه ماشالله
ربي يزيدك من فضله يارب


طيب سؤال التمر اذا قدمناه نقدمه مثل ماهو والا ممكن نقدمه بحركات يعني نضيف عليه
او نخلطه بشي؟؟؟


وضيوفنا مابين حضر وبدو قطر......فهل تفرق طقوسكم في العزايم والا وحده؟؟؟؟


وجزااااكم الله كل خير

:26:

أختي أنا سألت اللي أكبر مني ... عشان أتأكد لك من الإشاعة

قالوا لي عيب ان الواحد يقدم تيس حق ضيوف (مثلكم يعني :) ) ... التيس ممكن تقدمينه لشخص مقرب لك ... بس ضيوف لازم خروف ...


والتمر على راحتك ... بس أحسن لو تخلين جزء منه عادي عشان يمكن فيه أحد ما يحب "الإضافات"

أما بالنسبة للطقوس بين الحضر والبدو فليست هناك ثمة فروق تذكر