بناات لحقوني😢😢

السلام عليكم ورحمة الله وبركاته
صباح الخير اخباركم بنات حواء كيييفكم
بنات انتم خواتي وارتاح لكم عندي مشكله وابيكم تشورون علي بنات انا زوجي يشتغل في الرياض ودوامه اسبوع دوام واسبوع اجازه وعندنا شقه في الديره وإذا جاء دوامه رحنا للرياض وإذا خلص من دوامه رجعنا للديره يعني اسبوع في الرياض واسبوع في الديره انا تعبت من المشاوير والخط ماعاد فيني حيل ع شيل الأغراض وعدم الاستقرار في مكان واقول لك زوجي الاسبوع هذا ماراح اروح معك للرياض ابجلس عند اهلي ويعصب علي ويهاوش رفض اني اجلس واقول ل امي تقوله تحاول فيه وقالت له امي ووافق بدون نفس ويزعل علي يقول تقولين لي امك قوليله اجلس انتي ماعليك مني الحرمه ماتخلي رجالها ويهزئ فيني الحريم ماخلن رياجيلهن قلت انا تعبت اسبوع هينا واسبوع هناك وودي اريح عند اهلي الأسبوع هذا واخوي جاي من الشرقيه وودي نتجمع حنا واخواني اغير جو وش فيها اذا جلست وهو يزعل ويحلف والله ل اتزوج مسيار واحطها في الشقه في الرياض انا ماعاد ابيك اجلسي انا مااقدر استغني عن بنتي بس انتي ماتفهمين والله ل اتزوج بنات الله يعافيكم الغلط مني والا منه شورو علي لاتطنشوني انتم مثل خواتي قولو لي وش اسوي اطنشه واصير قويه وعند كلمتي لو مره وحده 😢والا اروح معه تكفوووووون الله يعافيكم وجهوني