بنات......ارائكم بخصوص قرار الزواج

السلام عليكم و رحمه الله و بركاته


في موضوع شاغل بالي طبعا ذكرت انه في ريال متقدم لي و لين الحين انتظر ردهم، المهم اللي ابغي افهمه شي واحد ، طبعا ابوي كلمني و قالي انا بوافق ع هالريال بس انه هو مايناسبنا اجتماعيا، بختصار انه هو عرقه يختلف عن عرقنا حسب كلامه، من ناحيتي نحن فينا عرق بس من بعيد و هذا الريال اللي يايني اعجمي بس متجنسين من زمان، المهم انا ماحب التفرقه و قلت لابوي دام عند وظيفه و قادر يعيشني و يفتح بيت انا موافقه و بعدين انا في عمر الثلاثين و نادر حد يدخل عندنا في البيت، حياتي شبه معدومه و محرومه من ابسط الاشياء بس اقول الحمد الله، لكن لما اشوف ريال تقدم لي و اشوفه مافي شي يعيبه طبعا بوافق بعد ما استخير، مشكله ابوي متوقع اللي بيوني الناس اللي حاطنهم في باله لكن انا مره تقدم لي واحد لما شاف بشره ابوي سمرا قال مايناسبونا ( من الطبقه اللي ابوي يبي يناسبهم) قصدي اللي مافيهم عرج ابدا، انزين نحن فينا عرج كيف يتوقع ايني حد مافي، فقلتله بس انتظر رد الناس بقولهم على رايي، اما اذا قالوا مافي نصيب فهذا من الله و بدعي انه الله ايبلي الاحسن، الحمدالله استخرت و مرتاحه بس ابوي محسسني جني بتزوج نكره، حرام انا استنكر هذي الافعال انا ابغي ريال و قدها مب مهم شو عرجه، المهم اخلاقه مثل ما قال رسولنا صلى الله عليه و سلم" من اتاكم من ترضون دينه و خلقه فزوجوه" ماقال عرجه، للاسف عايشين في مجتمع حتا نحن مظلومين في، ياما خطاب يوني رفضوني لانه ابوي بشرته سمره و هالشي ابوي مايشوفه، انا مابغي اهين اهلي اكثر من جذي، و موافقه اخذ رجل اعجمي فالنهايه كلنا واحد عند الله سبحانه و تعاله......