بنات..شفيه زواجي..هل هو قبسة؟؟ولا انا مقرودة؟ولا محسودة..ولا شالسالفة..ساعدوني..تكفة

اقرى سورة البقرة يمكن عين او حسد

الله يعينك أختي ويفرج عنك كل همومك000

وإن شاء الله تنحل كل مشاكلك وتشفين يارب

ولاتنسي الرقيه الشرعيه على نفسك قبل ماتخرجين لأن العين حق

وشغلي سورة البقرة وأستمعي اليها وخليك هادئه مع زوجك وحاولي لاتردين عليه إذا عصبتي روحي أي مكان في البيت ولاتظهرين عصبيتك000

حبيبتي لا تقولين جذي .. بعدين بصراحه انا اشوف ان مشاكلج شي طبيعي والله ما احس انه نحس بس قولي الحمد الله .. شوفي مصايب غيرج تهون عليج مصيبتج .. والله انا اعرف بنات مشاكلهم مع أزواجهم ما تجي ربع مشكلتج بس قولي الحمد الله

والمرض حاولي انج اتعالجين و استمري على العلاج و بالنسبه للآلام الظهر و انج طحتي غشيانه و هالسوالف ترى شي طبيعي يا اختي والأمساك اللي قلتي عنه عالجي واكلي اشياء فيها الياف مثل الخضار و الفواكة

وبالنسبة لزوجج يا اختي انا بقول لج شي و حطي هالكلمة حلقةبأذنج (( لكل رجل نقطة ضعف و المرأة الذكية هي اللي تكتشف نقطة ضعفة))
و صدقيني اللي بينج و بين زوجج هو مجرد ان اطباعكم مختلفة و قاعدين تتعرفون على بعض .. بس صدقيني مع الريال احفظي لسانج لسانج لسانج ديري بالج اتغلطين و خليج حكيمة و اعرفي الأشياء اللي تزعل زوجج و ابتعدي عنها ولا تسوينها و ركزي على ايجابياته وحاولي تقربين منه بطريقة حكيمة ولا تنفرين لأن الجفا يقسي قلبه عليج

و الصلاة والدعاء بالأوقات المستجاب فيها الدعاء و حاولي تملين وقتج بالإستغفار

واخيرا دشي الموقع اللي قلت لج عليه صدقيني راح تستفيدين منه وايد وايد

وانا والله ما اشوف ان حياتج نحس بالعكس مثل الفل بس يبي لج اشويه تفهمينها

والله يتمم عليج يا رب بحياتج ويا زوجج بالحب و الود .. والله اني اتمنى لج الخير من كل قلبي يا اختي :26:

الله يكون بعونك أختي

أولا أهتمي بنفسك وصحتك وحاولي تهدين أعصابك وخليك من طولة اللسان والله ماتفيد بشي أبد

ثانيا مادام فيه حب كل شي بيتعدل بإذن الله

أكثري من الإستغفار وذكر الله بكل وقت وبتشوفين نتايج عجيبه

والغيرة عادي فبداية الحياة وبعدين بتهدا بس إمسكي أعصابك شوي

بالنسبه للشك خليك واثقه من نفسك وطنشيه وهي فترة وتعدي إلا إذا زادت عن حدها لاوألف لالالالالالا

حاولي تعيشين يومك ولا تنكدين على نفسك

دائما بداية الحياة يكون فيها تصادم لإن كل واحد له طريقته بالتفكير لاكن مع العشره كل واحد يتعود على الثاني

الله يوفقك أختي ويسر أمرك وتعيشين حياة سعيدة

الله ييسر امورج و ان شالله فتره و تعدي

ترا يمكن حسد,و يمكن لأ..مرات المشاكل تطب عليج مره وحده و تخليج تشكين ان الموضوع فيه عين او شي غامض..

بس ترا عادي..انا بفتره من الفترات صارت الدوره تييني كل اسبوعين مره و نوبات صداع قوي و الام بالحوض و اكزيما و احس اسناني صارت حساسه مع اني ماكنت اعاني من مشاكل صحيه من قبل..بس الحمد الله عالجت الدوره بحبوب من الطبيب و انتظمت و المشاكل الثانيه اهملتها ليما اختفت من نفسها..

يمكن مشاكلج الصحيه سببها نفسي او يمكن لانج ببدايه الزواج تغيرت عاداتج الغذائيه فصار عندج امساك..او مسويه رجيم..

عموما تفائلي و لاحطين ببالج سالفه ان احد قابسج او هالخرابيط لانها خرافات..