بناتنا والجوال ومواقع التواصل الاجتماعي

تفكيرك نفس تفكيري بالزبط
بناتي يستخدمو جوالي اذا حبو يتواصلو مع صديقاتهم مع انهم كم مره لمحوا لي انه صاحباتنا عندهم ليه احنا لا قلت لما تصيرو بالجامعه اعطيكم لكن انتو طوووول اليوم في البيت على ايش الجوال؟؟ لاموظفات ولابالجامعه نقول والله خرجتوا نتطمن عليكم
طبعا كل وحده مسويه قروبات لها ولصحباتها ومضافين سناب وانستجرام ومتى ماطلبو جوالي اعطيتهم
واعطيهم ايبادي اذا حبو يشوفو يوتيوب خااااصة تسريحات وماكياج وطبخات يحبو يتفرجو عليها اعطيهم واحدد لهم مده اول ماتخلص يرجعوه

والله انا ضد انه اطفال او مراهقين معاهم جوالات مااعرف ايش الحكمه والا ايش الفايده اعطي بنت او ولد بالابتدائي جوال!!!! انا ام ومسؤوله عن بناتي واولادي واذا انا المسؤوله فنظامي انه ممنوع جوالات بهالعمر ومسموح لهم يستخدمو جوالي مو مره قافلتها عليهم لكن جوال في يدهم اربع وعشرين ساعه لا

تفكيرك صح المفروض اذا صارت في الجامعه تاخذ جوال اما في سن المراهقه لا والف لا طريقتك صح وحلوه

حبيبتي ..قبل تشتري لها جوال قولي لها يابنتي ياحبيبتي
انا اثق فيك احبك وانتي اغلى ماعندي اخاف عليك
وهالتقنيه سلاح وفيها شر بس مع ذلك راح اشتريه
لك..مراح احرمك من شي انتي خاطرك فيه صدقيني
الثقة مطلوبة وتعطي دافع أكبر وانا من حريه شخصيه
مبدئي بالحياة التفاهم وعدم الحرمان بقدر المستطاع
مستحيل احرم بنتي طالما الثقه موجوده حققي رغبتها ونمي الرقابه الذاتيه عندها...؟؟؟؟؟

اكيد ضد وبقوه لا لا لا للجوال هو قنبله موقوتة.. احنا نتعب ونربي ونغرس قيم ويجي الجوال والاستخدام السيء يخرب علينا.. بذات اليوتيوب آفه فيه اشياء تشيب الراس والله حتى لو سويتي تصفية محتوى مايصفا من المقاطع السيئه والغبي والخطيره للأسف.

بقولك على شي بنت عمي عمرها 15 سنه امها اشترت لها جوال فجئه طلعت عندي في تويتر بخاصيه رقم الجوال يعني تويتر يكشف لك جهات الاتصال وهي ماكانت مقفله هذي الخاصيه وطلعت عندي في تويتر وكاتبه اسمها واسم العايله والله العظيم انصدمت يوم شفتها تسب وتشتم بأوسخ الالفاظ ما كأنها بنت عمي ظهرت على حقيقتها وانكشف القناع بالرغم من انها محترمه جداً ومؤدبه بس تعالي شوفي في تويتر شتايم وكلام وسخ وصور وسخه هي وصديقاتها الطريقه اللي انتي اتخذتيها حلوه مره هذا ما اسمه حرمان هذا اسمه تربيه وخوف عليهم اذا صارو في الجامعه ذيك الساعه يشترون لهم 👍🏼