لو ان سياسة المصارف البنكيه تسحب اموالنا عندم نغتاب
وتضعها في حساب من نغتابهم لصمتنا بعد ذلك في مجالسنا
حفاظا على اموالنا من الضياع
هاه وش رايكم .. بالله مو جد ؟؟!!!
تذكرت صاحبنا هذا ...
قال حرمله : سمعت ابن وهب يقول : نذرت اني كلما اغتبت انسانا ان اصوم يوما
فأجهدني ، فكنت أغتاب وأصوم . فنويت أني كلما اغتبت إنساناً
انسانا ان اتصدق بدرهم , فمن حب الدراهم تركت الغيبه
يعني يحاولون ويجتهدون لييييين يلقون ثمرة اجتهادهم
مو مثلنا نعرف كل شي ونعرف اللي تجره الغيبه ومع ذلك
ودنا نتغير بس سكووووووون ومافي اي تغيير او اجتهاد
بالله خلنا نجرب شرايكم
ربما يكون موضوعي مستهلك ومكرر لكن لما قريت
الفقره اللي فوق تبع البنوك المصرفيه تذكرت قريبه لي
ماشاء الله عليها عندها بنات موفقات ماشاء الله تبارك الله
من يتخرجون يتعينون معيدات بالجامعه وينطلبون على طول
الله يحفظهم ويوفقهم يارب
اتوقع ماشاء الله ماشاء الله
عشــــــــــــان امهم الله يجزاها جناته تبارك الله ماتحب تجيب سيرة احد
ابد ابد
يقولون مره .. اخوها يبي يطلب بنت اقترحوها قالت : لا مايتزوجها
قالوا : ليش ؟ قالت : مافيها شي ابد بس ماياخذها
طيب ليش ؟ قالت ماياخذها وبس .. ولاقالت ولا تكلمت مره ولأنها اختهم
الكبـــــــيره احترموا رايها ولازوجوه منها
ومره
كانوا اخوانها قاعدين يسولفون بناس .. قالت : خلاص
اتركوا الناس بحالهم .. بس دام في سالفه لازم يخلصونها خخ
ياعمري عليها قعدت تبكي قالت : ان ماسكتوا والله لاروح
..
يعني ماشاء الله ماتحب تجيب طاري احد ولاسمعة احد بسوء
عشان كذا بناتها موفقات ومستورات وتتزوج الوحده منهن
على طول وتتوظف على طول
الجزاء من جنس العمل
حياتنا يبيلها اجتهاد بس وتغلب على الهوى
يبيلها استصغار الدنيا وتذكر المآل في النهايه ... اما لجنه او نار
والله بعدها .. تكون حياتنا من افضل شي
ليش الصحابه قبل .. رغم تقشفهم وحياتهم البسيطه وانعدام
اشياء كثيره كانوا يحسون بنعيم الدنيا لأنهم قريبين الله عز وجل
حسوا بلذه الدنيا قبل لذة الاخره وهو قربهم من الله
اصلا سبحان الله ... اذا زهدنا بالدنيا جتنا غصب تبينا نقبلها :mad:
وعن أنس قال: قال رسول الله : {
من كانت الآخرة همه، جعل الله عناه في قلبه،
وجمع عله شمله، ثم أتته الدنيا وهي راغمة، ومن كانت الدنيا همه
جعل الله فقره بين عينيه، وفرّق عليه شمله، ولن يأته من الدنيا إلا ما قُدر له }
وبس يالغوالي كلمتين يقرقعون بصدري قلت خلني اقرقع روسكم
لعل وعسى يكون لها صدى
بس قبل لا اطلع جتني رساله ضحكت عليها
قلت والله انها مناسبه مع موضوعي خلني احطها خخخ
وحده راسلتها بي سي تقول :
البعض يكرهني .. ويراني متكبره !!
البعض يتحدث عني بطريقه سيئه !
البعض .. البعض .. البعض ..
وانا ...
وانا قاعده بالبيت منسدحه مادري شالسالفه .. لا بعد
لابسه شرابات غير عن بعض والبجامه بنطلونها لون
وبلوزتها لون :hahaha:
وماغير اجمع بذا الحسنات ان شاء الله هههههههه
لا اله الا الله
ياارب لك الحمد ماعمري اغتبت أحد يعني ماتكلم فيها بالسؤوبالذات السوالف اللي فيه اعرااض ....أمدح ايه..
بس عيبي اني بالزواجات يصيبني ضحك لا إله االاالله...ثم اكره نفسي ليه ضحكت بس حركااات تضحك!!
وومااحب اتنشد الناس والا أسأل عن أخبااارهم <<احسها لقااافه
بس اموت من القهر علووومي عندالناس وكمان زياااده...
ومن هنا..اسااااااامح لوجه الله تعالي واعفو عنهم من تكلم بسوؤ عني... لعل الله يقبل دعواتي ويستجيب لأمنياااتي
اللهم أمين
ملاحظه((يابختي رديت اول وحده على موضوعك وسالفه الرساااله مثلي ياارب لك الحمد االله يرزقني بالحسسنات وانا ببيتنا))