بناتي الله يصلحهن ...

السلام عليكم خواتي الحوائيات ورحمة الله وبركاته

بتناقش معكم في موضوع واتمنى القى اذن صاغية ودعوة من القلب لي ولهن بالهداية والثبات عليها
موضوعي ياطويلات العمر بناتي الله يعيني عليهن بالصبر طول يومي معهن وهل انتم مثلي والا لوكنت غلطانه انصحوني وطول يومي معهن يروح يافلانه رتبي غرفتك وشيلي اغراضك اللي على الارض مع العلم انهن بثاني واول ابتدائي الكبيره تسمع وتشيل اغراضها وترتب غرفتها والثاني احرقت اعصابي هاليوم من الصبح وانا اقول لها ذاكري دروسك وجيبيها اذاكر لك وهي لا شوي شوي اذا شلت اغراضي وانا اقول لها شيلي اغراضك ورتبي غرفتك لكن لاحياة لمن تنادي واخر شيء قلت لها ان ماجبتي شنطتك اذاكر لك والله لتروحين للمدرسه وخلي المعلمة تكتب لك ماحفظت وهي تقول انا بذاك لوحدي لكن مااصدقها ولا اثق في مذاكرتها لنفسها لاني حاولت قبل فترة تذاكر بروحها لكن تكتب لها الملمة لم تحفظ سورة القران الله يصلحها
وبالاخير تتفق هي واختها يكتبون لابوهم رساله الله يكفيني شر رسالتهن هل ضروري اشوف الورقه قبل لاتوصل لابوهن والا خلي اللي يصير يصير مع العلم اني شاكه ان الرساله بتكون سب فيني واني اصارخ عليهن واهاوشهن والا اسكت ....ابي شوركن وهداية الله ...