بناتي تعبوني وابي تساعدوني في الوصول الى حل

مدري اقول انا فاشله في تربيتهم
تخيلوا جننوني بناتي وحده 3 سنوات والثاني 5 سنوات
مرررررررررره عنيدات ويقلبون البيت فوق تحت غرفتهم كل يوم ارتبها ويلعبون بالدولاب وينزلون الملابس بالارض من كثر الملابس بالارض ماعاد اشوف السجاده
اطلبهم الشيء مايسوونه اضربهم يرجعون عليه يضربوني
الاكل بتشرط سوي الاكل الفلاني واذا ماسويته مايكلون لو يجلسون يوم كامل
والله ي بنات ثم والله اني ماقصرت في شيء احاول اعطيهم الحب الحنان وش اسوي جاني كتئاب منهم
تخيلوا
امس اسوي الفطور لـصغيره لانها قامت قبل طبعا كالعاده تتشرط وش تفطر كاس عصير وسندويش نوتيلا وسويت لها وانا سرحانه مانتبهت الا وانا حاشيه ثنتين سندويشات وتقوم ابو 5 سنوات اعطيتها عصير والسندويش اللي حشيتها بالغلط قلت حرام ترمى وهي اساسا ماتحب النوتيلا تحب الجبن
قالت انا ماحبها ابي جبن قلت هذا الموجود كولي وانتي ساكته
ماكلت ولا قطعه منها شلت الاكل وهو زي ماهو وانا عاندت وماسويت لها شيء للمغرب
طبعا احنا نفطر ع 2الظهر او 3 بالكثير وحرمتها تروح النادي الصيفي لانها مافطرت
ويجي المغرب احسها متوتره قلت ممكن من الجوع واتنازل وسوي لها السندويش اللي تحب
و طول الوقت مضاربه هي وأختها ع كل شيء صغيره او كبيره ويركضون من عندي و وراي احس ماعد اتحمل حذرتهم وضربتهم
يهدون شوي ويرجعون في اقل من دقايق
الى ان جاء قبل ساعه من الان تضاربوا قمت طلعت عليهم خيزرانه وضربتهم ضرب خفيف مو مألم ودخلتهم الغرفه كل وحده سريرها وحلفت اللي تقوم وتطلع من الغرفه راح تنضرب ضرب مبرح
واقل من 5 دقايق طلعوا الثنتين
وماضربتهم رجعتهم الغرفه وهددتهم مره ثانيه
طلعوا مره ثالثه وكانوا يتهاوشون ع عروسه لصغيره والكبيره حركاتها دايم تاخذ اغراض اختها وتسوي مشاكل وازعاج
وقتها ماعد شفت قدامي فقدت اعصابي وضربتهم ضرب ماينضربه رجال اتوقع جسمهم مورم من الضرب
وطلعت من الغرفه تسمعين البكاء من اخر الحي والصياح
تقطع قلبي وحسيت بتوتر فضيع قلبي صار صغير من كثر الضيقه
لكن الشهاده لله تعبوني بشكل ماحد يصدق عناد ع تسلط ع قلت ادب
وماعد سمعت صوت رحت حصلتهم ناموا من كثر البكاء
بالله عليكم انصحوني وش اسوي كيف اتعامل مع هذي النوعيه من الاطفال
قريت في الابراج كلهم الثنتين موليد اغسطس برجع الاسد يعني العناد والتسلط من صفاته هذا البرج
وازيدكم من الشعر بيت حامل والطفل بينولد الشهر الجاي اغسطس
اكتملت العصابه