اولا : شكرا لكل اخت ردت بكلام ايجابي و دعوه حلوه .. وان شاء الله اليوم راح ازورها و اخليها تشوف ردودكم الايجابيه ...
ثانيا : الديون اللي اخذها كلها من البنوك قبل ٤ سنوات قرر يسكن بالديره بعيد عن الايجارات و اخذ مبلغ و بنى بيت بديرتهم و فجأه يجون اهل الحسد و الشر و شكوه بالبلديه و شالوا بيته ...
و بما انه اكبر اخوانه اخذ دين ثاني كان يعالج بأبوه مره بالهند و الاردن و الرياض الله يرحمه كان مريض ....
اخذ دين يشتري ارض و بعدها ب ٣ شهور باع الارض عشان يسدد البنك دينه الاول ...
و تزوجوا اخوانه و اخذ قرض عشان يساعدهم بزواجهم ...
المهم ان ديوووونه اخذهن بأسباب ...
اما بالنسبه للحمل هذا من الله و شئ مكتوب و رزق غيرها يتمنونه ، و حاولت مع زوجها بس هو رافض و مو مقتنع ...
اما بالنسبه لأهلها لا والله مايدرون و تقول استحي اطلب منهم و بالذات ان ابوها كان ماديته زينه و ممتازه بس سرقوا حلاله اهل الحرام و الحين يصرف على اهله من الضمان و التقاعد .. مستحيه تاخذ من حلالهم ... تخاف ينقص عليهم و بالذات هم عائله ماشاء الله ٧ بنات و ٥ اولاد ...
اما البرامج اللي تدعم لازم تقدم و تنتظر الموافقه و و يمكن تاخذ شهر هي تبي الحين مابقى شئ عالعيد ...
لـذّة, :
لا يمكنك مشاهدة هذا التعليق لانتهاكه شروط الاستخدام.
عطيتها باللي اقدر عليه . بس اكثر من كذا ما اقدر ...
خلي زوجك يسجل بكريم او مرسول او اي تطبيق
ويقدر يطلع يوميته لو ١٠٠ ريال
بالاسبوع تطلع ٧٠٠
والملابس في محلات ابو عشره تقضي الحاجه
خلي زوجك يحرك نفسه لايحط يده ع خده
بهالزمن محد يعطي احد بسبب غلاء المعيشه والضروف الصعبه
ويقدر يطلع يوميته لو ١٠٠ ريال
بالاسبوع تطلع ٧٠٠
والملابس في محلات ابو عشره تقضي الحاجه
خلي زوجك يحرك نفسه لايحط يده ع خده
بهالزمن محد يعطي احد بسبب غلاء المعيشه والضروف الصعبه
الصفحة الأخيرة
ياناس مته نفهم ان الله اذا قدر الحمل بيكتبه سوء حطيتي مانع او لا لو اجتمعت كل اسباب الارض لمنعه
هذا حمل وصار
هذا رزززق سوء منعته او مامنعته
اما بالنسبه لها العتب على زوجها اولا بغض النظر عن سبب هالديون هذي كيف تدين ووصل هالمبلغ لكذا
عسى يكون لسبب قوي مو لشيء تافه
وغير كذا لازم يضغط على نفسه يشتغل شغل اضافي
واللي تقول اهلها
مايصلح تقول لهم ابغى او حتى تتسلف وتزيد المبلغ بعد ٢٠٠ ريال تاخذها بكرا تصير ٥٠٠ وكذا كل شوي تقول بتسلف
الرجل مسوؤل هو واهله يفترض قبل اهلها
وحتى اهله مو مسوؤلين عن ديون ولدهم
تروح اهلها وتلبس بناتها من اللي عندها لو جنز وقميص عادي
اهم شيء نظيف ومرتب عاد اذا حست بنظرات تشرح الوضع لهم
وبعد العتب على الاهل من ناحيه يشوفون بنتهم كذا ولايعطونها من نفسهم
عشان كذا الله وثمن رسوله قالوا عن الاقارب اولى ويتفقدهم الواحد
يعني الحل تدعي ربها واشين شيء طلب الحاجه من الناس
تراه صعب حتى لو اهل
وتجي هي وزوجها وتكتب بورقه حلوول كيف يسددون المبلغ
مثلا لو ببيت اجار تروح تسكن ببيت اهل زوجها لين تنفرج
وقيمه الاجار يتسدد فيه
يشتغل سواق واللي يطلعه يجيب فيه للبيت وكذا
يدبر يسال المسجد اهل خير يشوف حل لو شيء بسيط
يسال الضمان اذا يقدر