حبيبتي عادي بهاالفتره الطفل ماياكل لانها فترة التسنين فمايشتهون الاكل انتي حطي لهم الاكل على سفره وخليهم هم ياكلون صحيح هم راح يحوسونبس نتحمل في سبيل الاكل مثلا حطي لهم مكرونه والاطفال عادة يحبون البطاطس المقليه

ياقلبي عليهم انا دنو جتها فتره كذا كرهت كل شي
ما تبي تاكل والله حتى الحليب يمكن تشرب منه نمره وحده بس
يوم رحت لدكتور قالي عطيها الحليب بارد واكلها لا يصر حار مره
وفعلا يوم صرت اعطيها الحليب مو بارد مره بس بدرجة حرارة الغرفه ما ادفيه
صارت الحمد الله تشرب منه شوي
وبعدين شقت اسنانها عرفت انها ما كانت تاكل من التسنين ياقلبي
والسيرلاك عادي اذا ما حبوه بس انت جربتي تغيرن النوع
انا جتها فتره كذا ويوم غيرت النوع رجعت تحبه ثاني
واذا طلعت اخذ معاي بسكوت كيك عصير زبادي ودانيت شكولاته
واذا كنت عند احد امون عليه شفت وش عندهم غدا واعطيتها منه
وزي بناتك هي تحب الملوخيه والباميه والشوربه صرت اعطيها منهم واحط معاهم
ملعقتين رز علشان يشبعها
والله يعينا عليهم يبيلهم طولة بال وصبر
ادري طولة عليك حكيت قصتي:35:

نفس حالة بناتي لما كانوا بعمرهم

ممكن تسنين

كنت مثلك اهتم باكلهم واكلهم غير عن اكلنا وماكانو ذاك الصحه وشهيتهم عدم
ولما جبت اخوهم قال لي الدكتور الى سنه افضل حليب فقط

حتى سريلاك ما اعطيته جبت علبه وكرهها ولاعاد اشتريت غيرها

ومشيت على الحليب فقط الى 9شهور
ومن 9 شهور اعطيه اكلنا العادي ماسويت له شيء بلحاله من غدانا اعطيه لحم ودجاج اتاكد انها مقطعه صغار ومافيها عظم وسمك واتاكد مافيه شوك
واكثر شيء كنت اعطيه الجريش كان يحبه والمهلبيه اسويها بالبيت

وبسم الله على قلبه كانت صحته حلوه حتى وزنه اكبر من اخواته مع انه اصغر منهم بسنه
وشهيته للاكل الحمدلله كان مريحيني الله يسعده

بناتك كبروا اعطيهم من اكلكم العادي وكل شيء مثل ماتكلي اكليهم

واذا على الحوسه اكلي كل وحده بلحالها
انا كذا اذا اكلتهم مع بعض ينقلب الوضع مهزله وحوووسه وخراب

صرت كل وحده بلحال واذا خلصت من الاولى جبت صحن الثانيه والحمدلله تركوا الحوسه

الله يعينك

نفس وضع بنتي بهالعمر.. وخليني اعطيك خلاصة تجربتي

سبب انسداد الشهية:
1- حاولي تتحسسين باصابعك اسنانهم الخلفية والانياب. بتلاقينهم بدوا يشقون. وهالامر يسد الشهيه.
2-اكيد بناتك بدوا يمشون او يحاولون. والطفل في هالمرحله يتفاجأ ان فيه عالم كبييير ممكن يكتشفه وكان مخبأ عنه لما كان بالجلاسة. فمافيه وقت للاكل. يبغى يكتشف ويلعب ويستفيد من كل لحظه. سواء بالتخريب او التكسير او تجربة الصوت العالي بالصراخ.
------
الحل:
1- الحليب اقطعيه عنهم. اذا ناموا اعطيهم الحليب تقريبا 150 ملل مع ملعقة سيريلاك تحطينها في الرضاعه.اذا ناموا الظهر اعطيهم وحده. واذا ناموا اول الليل اعطيهم ثانيه واذا صحيتي الفجر وهم نايمين اعطيهم الثالثه. بكذا خذوا من الحليب 450 ملل. تقريبا نصف لتر. لا تنسين توسعين فتحة الحلمه عشان السيريلاك.
2-اشتري لهم صحون جديده بملاعقها. بتلاقين في سنتربوينت صحون بملاعقها بشخصيات ديزني وساندريلا. انا اخذت لبنتي teletubbies وطااااارت فيهم.
3-اعطيهم بطاطس مقلي. حطي حبتين بس في صحن كل وحده. وخليها تاكل بنفسها. وبهالوقت احكي لهم حكاية بابا اللي اكل صحنه كله. او اي شخصية يحبونها مثل بنت خالتهم او ولد عمهم. وخلال الحكاية يكون معاك صحن فيه مثلا رز مخلوط بملوخية عشان بكون طري. وتحطبن في فم بنتك وهي متحمسه مع الحكاية.(لازم نتحايل عليهم).
4-اذا رفضوا البطاطس حطي لهم شوي كاتشب وخليهم يغمسون. الاحظ بنتي اذا حطيت لها الكاتشب تشتهي الاكل.. هي صحيح توصخ نفسها لكن تحس بمتعه في التغميس واكتشاف الطعم الجديد.
5-اذا انتهوا من الاكل اعطيهم عصير طبيعي. زي البرتقال. حطي كميه بسيطه في كاس كل وحده (الكاس اللي بغطاء) عشان مايكبونه. واذا انتهوا صبي لهم مره ثانية. واذا رفضوه خلي الكاسات بمكان لعبهم وبعد شوي بيشربونه. لكن حاولي ماياخذون العصير وقت الاكل عشان مايسد الشهية ويشبعون. وممكن تخلطين حليب مع فراوله مجمده وسكر.
6-بالنسبة للخضار خذي هالطبخة اللي مايبين فيها طعم الخضار:
احمسي بالتدريج ثوم وبصل وطماطه جزره بطاطسه كوسه واي خضار عندك لحد ماتستوي الخضار. اضيفي لهم كاس ماء او كاس مرق الدجاج وملعقة كويكر وخليهم يغلوا 10دقايق. حطيهم بالخلاط لحد مايصيرون خليط غليظ. رجعيهم للقدر وخليهم يغلوا شوي. وبتصير احلى شوربة كويكر وماراح يدروا عن طعم الخضار. ولا تنسين الملح.
7-بالنسبه للسيريلاك.. خلي عندك علبه وحده بس (احدث علبه فتحتيها) والباقي سوي فيهم حلا :) :) صادقة ما امزح.. حرام ترمين 6 علب او تنتهي مدتهم.
خذي هالحلا للاخت (مثل العسل):
المقادير
6 ملاعق سميد + 6 ملاعق حليب بودره + 1 ملعقه شكولاته
بسكوت شاى مطحون + 6 ملاعق سيريلالك +1 حليب نستله صغير +زبده
بيضتان + ملعقه بنكج بودر

الطريقه
يوضع البسكوت المفروك بالزبدة في صينية ثم توضع جميع المقاديرمع بعض وتخلط
وتصب على البسكوت وتوضع فى الفرن

وهذي كيكة للاخت المتميزة1:
المقادير:
ثلاث بيضات
ملعقة فانيلا
كوب سكر
كيس دريم ويب
ثلاث حبات جبن كيري
ثلاث ملاعق كبيرة سيريلاك
ثلاثة أرباع كوب زيت نباتي
كوب طحين " دقيق"
ملعقتان متوسطتان بيكنج بودر
ثلاثة ارباع كوب حليب طازج .
الطريقة :
نخفق البيض مع الفانيلا جيدا
نضيف السكر و الدريم ويب و الجبن ونخفق على سرعة عالية ثم نضيف السيريلاك و الزيت مع الاستمرار في الخفق حتى يصبح المقدار كالكريمة
ننخل الطحين مع البيكنج بودر و نضيفه على المزيج السابق ونخفق بسرعة متوسطة
نضيف الحليب بالتدريج
ندهن صينية الفرن بالقليل من الزيت و نصب الخليط فيها ثم ندخله الفرن حتى ينضج .

وطمنينا وش يصير عليك.

ياحياتي00000000000000يادلبي عليهم

فيه حل00000مجرب00000قومي باليل وصلي ركعتين وادعي انهاتنفتح شهيتهم بالعافيه وتشوفين اذا ماخلصوا العلب اللي عندك


بسم الله عليهم000000000000000




امانه ادعيلي اجيب بنوته مشتاقه للبنات000000000000000000