بناتي وابوهم

الله يعينك والله حاسة فيك
بعطيك كم حل إن شاء الله ينفعونك

شوفي الابو لا تترجين منه شي الرجال ما يساعدون كثير بهالامور

انتي خصصي لهم جدولين لكل وحدة جدول واللي تصير مودبة تاخذ نجمة ولو كملت مثلا خمس نجوم على طول بنفس الوقت شيلي الجدول وعطيها هدية او شوكولاته مغلفه بجلاد
راح يفهمون الجدول ويصير له معنى وصيري استخدميه دايم

بالبيت لا تشدين معهم مو زين لقولونك ولا حملك
اشغليهم
لو تضاربو اسغليهم ناديهم بسرعه تعالي شوفي ووريها اي شي بجوالك

جيبي لهم الوان ودفتر وخليهم يلونون

الالعاب ارفعيها ملها وبقي لعبتين اذا مبوهم ما يتكركب البيت وكل فترة غيري اللهبة وطلعي بدالها

يوم سوي كيكة او حلا لكم للبيت بس حطي فيها شمعتين وولعيهم وقولي يالله نسوي حفلة اللي يسمعون الكلام
وحطي كم بلونة وشغلي اناشيد ولبسيهم قبعات وقولي حفلة المؤدبين
بعدها اللي تبينها تسمع كلامك قوليلها اسمعي الكلام عشان اسوي لك حفلة المودبين يوم وحطي لها يوم وبالفعل لا جا اليوم هذا جمعه والا سبت والا احد المهم لا جا اليوم سوي الحفلة وراح يحسون بمصداقيتك

حاولي تشغلينهم باشياء بسيطة مثلا يوم ناوية تروشينهم وتغسلين الحمام عطيهم علب فقاعات الصابون وخليهم ينفخون بالحمام لين يشبعون بيقعدون ساعه انتي روقي واسترخي فيها

يوم عطيهم حبل خليهم يشدونه او ينطون

حاولي تفرغين طاقتهم بشي ما يزعجك حتى لو تقولين نلعب لعبة النط يالله كل وحدة تنط عشر نطات
قيام جلوس
بر بحر
ومن هالالعاب الحركية


هذا اللي قدرني ربي عليه والله يعينك وييسر لك


دعواتك

ما قصرت الأخت رومانسية 

طرحرائـــــــــــــــــع
يعطيكـ العـــافية