بناتي وبنت اخوي اللي انقلبت عليهم !! كلهم اعمارهم 13 و14 سنة

السلام عليكم ورحمة الله وبركاته

بناتي من كم سنة وهم تمام مع بنت اخوي صديقات لها
وكل شي يعني يروحون مع بعض ويطلعون مع بعض ويجلسون مع بعض
لكن من فترة اشوف بنت اخوي تغيرت الله يصلحها طبعا هي من الاساس
من النوع اللي تحب اثارة الفتنة والمشاكل وتحرض بناتي وتطلب منهم انهم
مايتكلمون مع فلانة تكون هي ماتحبها وتجبر بناتي على كراهية هالبنت مثلا
وانا انصح بناتي بان مايسمعون كلامها لانه هذا غلط وحرام اللي يسوونه
ولكن لاحياة لمن تنادي واحيانا بصراحة تسيطر على بناتي وتاخذ جوالاتهم
وتقرأ رسايلهم او تراقبهم وتراقب تحركاتهم وبناتي يمنعونها من هالشي
وهي مو مهتمة و24 ساعة تراسل بناتي وتسئلهم عن طلعاتهم وجياتهم
من جد رافعة ضغطي حركتها والله حتى باللبس وبالجوالات وكذا تقلد بناتي
وفوق هذا تقولهم انتم غيورات وتقلدوني بكل شي !!!! الله يصلحها بس
المهم الحين صارت ماتهتم لبناتي وصارت تجلس مع بنات اقاربي وتترك بناتي
وهالشي أثر على نفسية بناتي وبالاخص بنتي الكبيرة .. المهم صارت الحين تطلب
من البنات يتركون بناتي ويسحبون عليهم ..
الحين اللي مضيق صدري انه بناتي ماعاد لهم احد بالعائلة الكل قلب عليهم
بسبب بنت اخوي هذي !!!
كيف احل هالمشكلة .. مع انه صارت خناقات بيني وبين اخوي وزوجته
بسبب هالمشكلة وبصراحة مابغيت أخسر أخوي بسبب هالخرابيط
وبالاخير انسحبت وقلت مالي دخل فيهم هم بنات ويحلون مشاكلهم
والمصيبة انه بنت اخوي قدام امها وابوها تحلف انها بريئة والحين
اهلي كلهم مصدقينها من جد شي يقهررر !!!
لكن الحين في كل مرة يزداد الطين بلة وبناتي ماعاد يبغون يروحون لاهلي
ولا لاقاربي ابدا وصعبة اخليهم كذا والله حتى انا نفسيتي تعبت
كيف نحل هالمشكلة تكفون عطوني حل ؟؟!! الله يجزاكم خير ..

ملاحظة :

بنات اقاربي الحين كلهم انقلبوا على بناتي ومو راضيين يصدقونهم
مع انه بناتي اعترفوا بان بنت اخوي كذابة وتحب اثارة الفتن والتفريق بين الناس
الا انهم ماصدقوا هالكلااااام !!!!!