بناتي ودراستي ..الحل ؟!

بنات حبيت أكتب لكم عن مشكلتي يمكن ألقى حل 
مشكلتي هي اني أدرس بمنطقة غير المنطقة اللي فيها زوجي وأنا كنت في البداية ساكنة مع أهلي لي غرفة ودورة مياه الله يكرمكم طبعا بحكم اني بمنطقة وزوجي بمنطقة ثانية اضطريت أني اسكن عند أهلي عشان بنتي تصير عند أمي ..درست أول سنة ومشى حالها بس صارت مشاكل بيني وبين أهلي خصوصا أخوي وما قدرت أستمر عندهم طلعت بشقة لحالي جنب الكلية وكنت أروح مشي وكانت أم زوجي عندي بهذي السنة المهم خلصت  وراحت.. حملت العام وجبت بنت والحين صاروا بنتين ..وماعندي أحد لا أم زوجي ولا أمي وأنا ما أقدر آخذهم معي الثنتين الحضانة غالية شوي وزوجي يمر الحين بظروف مايقدر يدفع للحضانه هذا غير الآجار وأنا مكافأتي مقطوعة ..غير كذا الحين صرت ماأروح مشي لأنه مرة العام آخر السنة لحقني  واحد حسبي الله عليه وخفت وزوجي بعدها منعني أروح مشي وصار أبوي يوديني ويجيبني بس هالسنة أبوي يوصل أخوي الصغير لمدرسته صارت بعيدة شوي عن البيت وصعبة عليه المشاوير  والله محتارة ببناتي ومشاويري أفكر اوقف هالسنة بس زوجي رافض يبيني أخلص وأنا محتارة بهالبنات 
الله يجزاكم خير اللي عندها حل لاتبخل به علي