بنات

الطريقه
حطي في الخلاط باكيت كريم كرميل الباكيت الاخضر وحطي معه علبتين
حليب ابوقوس او ودي فاطمه او بوني (عرفتوه الحليب اللي ينحط مع الشاي ) واخلطيهم بعدين سكري الخلاط و ذوبي كاس سكر في قدر حتي يصير لونه بني او حسب ذوقك بعدين سكري النار وشغلي الخلاط اللي
فيه الكرميل والحليب وخليه شغال على اقل سرعه بعدين صبي السكر اللي ذوبتي شوي شوي والخلاط شغال بعدين حطي غطاء الخلاط عليه وخليه يخلطهم فتره بعدين سكري الخلاط وصبي التوفي في القدر ورجعيه على النار
وحركي بتحسين انه خفيف بس اذا برد صار تمام سكري النار وخلي التوفي يبرد واذا حركتي التوفي بعد مايبرد وشفتي انه صار طبقتين الوجه جامد والتحتي خفيف ...(معليش ) رجعي التوفي للخلاط مره ثانيه عشان يختلط زين بعدين حطيه في علبه واستعمليه عدت مرات وممكن تحفظين الباقي في الثلاجه مده اسبوع مايتغير او في الفريزل مده اطول بس قبل الاستخدام طلعيه فتره يذوب ....
ادري بتقولون شغله بس والله سهل ولو جربتيه مره بترجعين له مية مره .......جربوه مره ومارح تندمون بعدين يعطيك ها المقدار كميه كبيره ممكن تستخدمينه عدة مرات .
وسلامتكم اختكم بسر برحي


*************

تاخذين فنجان سكر وتحطينه على نار هاديه واضيفي معه ملعقة كبيرة مويه وحركيه حتى يذوب ويشقر لونه ثمن اضيفي ربع زبدة وحركي بشويش المزيج ثم ارفعيه من على النار واضيفي 1-قشطة قيمر وحركي بسرررعه و بعد ماتختلط المقادير رجعيها على النار وحركي الخليط كمان بسرعه وبس صار عندك توفي لذيذ ..

وإذا تحبين القرفه ممكن تضيفين شويه على المزيج وتصبينه على الكيكه وعافيه على قلوبكم ..
*****************

بعد انا عندي طريقه سهله ومابيتعقد التوفي
جيبي السكر وحطيه بطاوه على نار هادئه الين يمووع ويكون اللون الي تبين
حطي عليه حليب مركز محلى شوي شوي وحركي
ابعديه على النار وشوفي النتيجه يم يميمممممممي
ماتتعقد بشرط تكون النار هاديه والحليب بحرارة الغرفه

**********

شوفي توفي ام عزيزان الله يجزاها خير ممتااااااااااااااز

شوفي هذا التوفي سهل مره ولايتعقد ابدا
1علبه قشطة
ونفس مقاس علبة القشطة نضع 4/3 العلبة دبس التمر
رشه قرفة وأذا تحبين شوي نسكافية
اخلطيهم مع بعض وبعدين على النار بس تذوب القشطة وتختفي ويصير لونه زي التوفي وطفي عليه بس دقائق
وعليك بالعافية

انا كان عقدتي وانحل مع ام عزيزان
وشكل طرقة الصبار حلوة
وفيه اللي بالنستله تخلينه في قدر الضغط نص ساعة