بنات أبوظبي..تعالو أخبركم وين تحصلون الماركات بأرخص الأسعار

( هذا الموضوع للي لهم مزاج يلفون ويدورون ، اللي مالها لا تعب عمرها وتقرأ )
السلام عليكم

بنات أبوظبي الحلوين ، السموحة من الباقي خبرتي تنحصر في أسواق أبوظبي ، راح أخبركم بأسراري في التسوق بالماركات بأسعار رخيصة.






ندخل في الموضوع:



1- طيف سناء :

يعتبر من المحلات الرئيسية اللي دايما أشتري من عندهم برومود / مانجو/ سنتيانات بي إتش إس/ أوكاي...وغيرو.

يمكن ما راح تصدقون ، لكن هادا اللي يصير ،

أ- إشتريت من عندهم بلوزة برومود والله العظيم كان برومود عارضها هي نفسها لون ثاني ب 150 أو 130..وانا جبتها ب 30 درهم.

ب - بناطلين مانجو وبلوز مانجو يااااااما جايبة من عندهم بالهبل ما خبركم .
ج- سنتيانات بي إتش إس صاحبيتي يابت من عندهم ب 19 وإنتو أدرى بأسعار البي إتش إس لكن للأسف لما رحت أجيب كان مخلص.

الخطــــــة المتبــــعة :
ما دايما بتحصلون عند طيف سناء هاي الأشياء ، لازملو كل فترة و فترة إطلو عليه ، يعني بالأسبوع مرة ، بالنسبة لي ، أنا كل ما طلعت من البيت أخلي زوجي يوديني لمدة 5 دقائق فقط ( ترى مالو خلق على النطرة ) لكن أنا دوم أشيك عليه إذا منزل بضاعة من اللي في بالي ولا لا ، وإذا حصلت أستنفر ثاني يوم وأروحلو من الصبح ، أيام ممكن بالشهر ما تحصلون شي ، وفجـــــــأة كل الماركات اللي نفسك فيها بتحصلينها عندو ، أنا وربيعات أرباب طيف سناء وخبرة ، زوجة أخو زوجي دوم تجلط مني ، كل ما تقولي هذه البلوزة شفتها عند برومود وكنت بشتريها أقولها مش من عند برومود ، تصيبها سكتة قلبية وياخذوها طوارئ :)




2- درهم بلازا :
هذا طلع على الساحة جديد ، صديقتي خبرتني عنو ، شارية كانت من عندو بناطلين بيرشكا وستردي فيريس ( مارينا مول ) كان حاططهم ب 160 وهي أخذت الواحد ب 15 ، ترى كل ربيعاتنا شلو من عندو وطبـــعا لما سرت أنا ما حصلت ، المهـــم حصلت عندو بناطلين تجينز تهبل ، تـــــــــــهبل ، ماركة غاب كمان ب 20 ، خدت 2 ، تدرون البناطلين اللي تيجي سيدا ، يعني لا ضيقة ولا واسعة ، هدول ما تحصلونهم الحين في أغلى المحلات ، كل بناطلين الجينز عندهم صايرة مثل الفيزو ، ضيقة من تحت زي القمع شكلك يطلع فيها....


الخطــــــة المتبعة :

أنظر خطــــــــــة طيف سناء.




3- الخيــــاطة :

دوم أسير المحلات وإذا عجبني موديل آخذه من عندهم ، أشتري قماش على ذوقي وروح خياط شاطر أخيط مثلة وأرد القطعة للمحل وآخذ فلوسي

ملاحظة : آخذ من المحلات اللي تسوي ريفند ( يعني ترجع القطة وترجعلك فلوسك كاش ) أكبر كبش فدى عند زارا ومانجو

آخر مرة ، كانت من فترة قصيرة ، إذا سيرتو مانجو بتحصلون عنده تنورة قماشتها شيفون ، لون أبيض وأسود وعليها إسترس بــ 320 ، خذتها فصلت أختها بقماشة تايغر لون أخظر وطلعت أحلى بـــ 70 درهم .

الخياط إسمه دبابيس ، خلف اللول سنتر اللي عدال مستشفى الكورنيش ، بس ترا مو دايما أسير عند نفس الخياط ، احب أنوع ، عشان الخياط لين صرتي زبونة عند يبتدي مماطلة وحركات اللي تسبب شلل الأطفال.



4- سيـــــد كمال للأقمشة :

هــــذا كمان ينزل من فترة لفترة أقمشة تهبــــل ، نفس اللي عند الأمراء ، بس طبعا الوار عنده بـــ 5 مش بـــ 15 ، أنا لما حصل قماش أشتري وأخزن بالخزانة ، وإذا سرت المول وحصلت موديل حلو للقماش اللي عندي آخذه وأفصل مثلة . أنا جبت من عنده قماش تنورة شيفون ، لو شفتوها..أو أقلكم عن ربيعاتي ، لما شافو القماش اللي شاريتو من عند سيد كمال ، كلهم إنسطحو أرضا وإنقطع النفس عندهم ثانية ، قالولي إنتي بتكونين سبب السكتة الدماغية اللي بتجينا :eek:
هــــذا اللي في بالي الحين .


كلمـــــــــــــــــــــــــة أخـــــــــــــــــــــــــــــــــــــــــــــــــــــيرة :

المســـألة ما مســــالة سعر وماركة ، مســـألة زوق . وإذا تبين يصير عندك زوق باللبس وتعرفي كيف تختاري القطع الحلوة اللي تبان ستايل وماركة، لازم دوم تلفين المحلات الغالية والرخيصة ، هيك بتعرفين شنو الموضة وبتشوفين عندهم كيف يكون تناسق الألوان ودمج الموديلات مع بعض لإنهم كونون عارضين دوم القطع مع بعض على شكل أطقم ...بعدين سيرى كل المحلات الرخيصــة عشان تعرفين إذا في قطع مماثلة للي شفتيها قبل ، عشان لا حد يغشك ، ترى أنا يااااااااااااااااااااااااااااااااااامااااااااااااااا محصلة نفس القطع بأرخص المحلات وبأسعار من صدق تــــجلط ، مرة شفت طقم بنطلون وقميص كان بـــ 550 ، والله العظيم يا بنات حصلتو بالفلاح بلازا بـــ 150 ، والله العظيم إني ما كذب ، ومرة بالمول تنورة غجري كانت بـــ 350 ، والله حصلتها بمحل ما بوتيك ب 190 ، وترى ما بوتيك لما تشترين أي شي عندهم فاصلي اللي عالكشير ، أقل شي يرخصلك 50 وإذا تشاطرتي 100 .

واللي عندها ملعومة تزيد للفايدة.


وســـــــلامتكم