بنات أبي أسكن في بيتي بس أمي رافضة هل فعلها صح ؟؟؟؟؟

السلام عليكم بنات
عمركم شفتوا أحد ما ينسجم مع أهله ؟؟؟؟


هذي أنا
علاقاتي مع الناس وزوجي وأهل زوجي كويسة الحمدلله
إلا أهلي ما ألاقي منهم الإحترام أبداً
أبوي يعتبرني ماله دخل فيني دامي تزوجت
أمي تفضل اخواني واخواتي علي في موتقف كثيرة أحسها تكرهني ما تطيقني وموضوعاتي السابقة تحكي مأساتي معها
إختي اللي أكبر مني ما تواطني أبدا
واللي أصغر مني آخذه الجو كله في البيت هي اللي يشاورونها بكل شيء
واللي أصغر منها مع الجماعة ما تقدرني أبداً وتتعامل معي مو باحترام بإهانة
أخواني طبعاً لا تعليق أسلوب شوارع في التعامل والصراخ


المشكلة مو في هالشيء
المشكبة زوجي يسافر وإذا سافر حطني عند أهلي ومن هنا نفسيتي تتعب على الآخر
أحس إني شخص غير مرغوب فيه

أمي ما تكلمني عشان خلاف بسيط وبايخ مر عليه أسبوع

أنا ودي يا بنات إذا سافر زوجي أجلس أنا وبنتي وشغالتي في شقتي معززة مكرمة
أنا الحمدلله موظفة وسعيدة مع زوجي ووظيفتي وصديقاتي

بس المشكلة أمي رافضة أسكن بالشقة إذا زوجي سافر
وتهددني لو قعدت لحالي بالشقة بتوصل الموضوع لأبوي عشان تصير مشكلة عميقة أكثر
يعني أبوي بيفهم إني ما أبي اقعد ببيته

أنا كل اللي أبيه احترام وتقدير ووجود بالبيت فقط
صحيح في بيت أهلي سواقين وشغالات وكل خير
لكن النفسية عدم
الجو متكهرب من ناحيتي أنا
خصوصاً إذا رموا علي كلام مثل السم على قلبي

يا بنات سؤالي هو
فيه شيء لو جلست في شقتي أنا وبنتي وشغالتي والشقة إذا سافر زوجي في عمارة كلها جيران أجاويد وأمان إن شاء الله وبيني وبين أهلي شارع بس !!!!
يعني أزورهم كل عصرية أسلم وينتهي الموضوع


طبعاً دايم سفر زوجي بالشهرين والثلاثة
لكن الموضوع بسيط بس أنا يتروى لي إن أمي خايفة من كلام الناس يقولون بنتها قاعدة بالشقة لحالها ولا تبي تقعد عند أهلها ويبهرون من عندهم

يعني البرستيج على حسابي أنا

وأمي يهمها إنها تعز نفسها وإنها ما عليها قصور وتبين هالشيء للناس

أففففف مليت يا بنات

شوروا علي الله يعافيكم