بنات أبي رأيكم في مشكلتي مع أبوي ..

السلام عليكم

مسسااء الخير ..يمكن تشوفون مشكلتي مو معتادة لكن هي جدا مضايقتني وأبي آرائكم الله يسعدكم
واعتبروها في نفس الوقت فضفضه
خلوني أقولكم أولا إن علاقتي من طفولتي إلى قبل كم سنة قريبة مع أبوي ما كانت لطيفة وخلاني أمر بأشياء والله ما أتمنى حتى لعدوي يمر فيها الله يسامحه (ما أحب ادخل فيها اسمحوا لي ) وبصراحه أنا أتعجب إني ما زلت إلى الآن بعقلي لكن الحمدلله على حال . ..كنت دايما أبكي على حالي لكن سبحان الله ربي رحيم ما خلاني وبدأت أحس بالفرج من كم قبل كم سنه

تحسنت علاقتي فيه وصرت أحس بحسن معاملته وبدأ حتى يمكن يفضلني على أخواني ويقدر كلمتي ويحب يسولف معي وأنا كنت وما زلت باره فيه وأتصرف معه وأمثل عليه كأن ما صار بيينا أشياء ..لكن القلب مجروح و ما سامح ..صحيح أرحمه بس ما أقدر أحبه ..المشكله مو هنا

المشكلة اللحين هي أن بالبيت ثلاث تلفزيونات مع رسيفرات بقنواتهم الكاملة ..واحد بغرفة أخوي الصغير بالمتوسطه وواحد بغرفتي وواحد عند ملحق أبوي ..اللي صاير من ست أشهر أن ابوي يترك كل هالتلفزيونات ويجي يجلس عندي
من بعد المغرب إلى الساعة 12 والصوت عالي وازعاج ما يقدر الواحد يركز بشئ ثاني وأناعندي دراسة وغيره ..وصرت أحس ما لي خصوصية ولا أقدر أتصرف بحرية وما أدري وين أجلس وأصلا ما أرتاح إلا بغرفتي ..تحملت بالبداية بس بعدين بديت أتضايق من جد وفضفضت لأمي وهي قالت له بطريقه لطيفه مع أني قلت لها ما تقوله ..ما أبيه يتضايق ..وجاء قالي فانحرجت وما قدرت أقول شئ صرفت الموضوع ..وصار ما يجي كم يوم لكن بعدين رجع يجلس عندي ..يوم شفته كذا صرت ألمح له من بعيد وكذا لكن ما نفع
أحسه يدري اني متضايقه والبديل متوفر ومع ذلك يجي يجلس عندي

يا بنات قولوا لي معي حق أتضايق أو لا ..ورأيكم وش التصرف المناسب ..من جد متضايقه
واعذروني على الإطالة ..ربي يسعدكم