بنات أبي شوركم

السلام عليكم و رحمه الله و بركاته


بنات اليوم عندي شئ مضايقني
بنات انا زوجي سمعي
تعرفون وش يعني؟
فيه ناس حسيه و ناس سمعيه و ناس بصريه
و انا حسيه و زوجي سمعي
و للاسف الشديد انا ما اتقن التعبير
ولا اعرف اتكلم
و دايما لما ابغى اقول شئ احوس بالكلام حوس
و احوس يوم اني ابغى اوصل فكره معينه ولا اقدر اوصلها
و هو يبي يسمع مني
و دايم احسه يلمح لي انه يبي
و يقولي تحركي ابي اسمع
تكلمي
قولي شئ
لانه هو لمن يتكلم انا اجلس ساكته بس اسمع
ماعرف اتكلم ابدا ابدا

يضيع الكلام


بنات مرة ترى هالمشكله مأزمتني
صح هو يلمح بس حرام ترى عمره ما لامني
يقولي بصبر طول عمري على اني اسمع منك
بس انا زعلانه لاني عارفه انه هو سمعي و يحب انه يسمع مني الكلام و انا للاسف ماعرف اتكلم
يعني هو يحب يسمع ووده و جاته وحده ماتعرف تلبق الكلام

ترى انا مملكه و لي تقريبا 9 شهور و اخذت عليه الحمد لله
يعني ماضنه انه موضوع حيى
صح استحي بس مو للدرجه اني ماعرف اقول شئ
يعني ما اضن الحيى هو السبب


تتوقعون بعد الزواج باذن الله بتغير؟
بنات انا خايفه اظل على ذا الحال
ماحب اشوف بنفسه شئ و ما اسويه او ما يلاقيه فيني
اخاف يحس بالنقص
و تعرفون عاد الرجال يوم يحس بالنقص


بنات تكفون حلوني
وامس زعلته و قلتله ليش دايما تحسسني بالتقصير؟
لاعاد تنتظر مني اني اتكلم لانه انا ماعندي هالشئ فلا تضغطني و تحسسني بالتقصير على شئ انا مقدر عليه
ادري اني غلطت و للحين هو ماخذ على خاطره مني
وش اسوي؟

كيف اصير اعرف اتكلم؟
لاتقولولي تعلمي و اقري
انا اقرى و احاول اتعلم
بس انا نسايه

يعني ممكن هالحين اقرى شئ و اروح اقوله او ارسله له
بس مرات يكون مستني كلام و انا وقتها ماكون قريت شئ وش اسوي بذمتكم؟ ترى انسى

الله يجزاها خير الي تساعدني و تنصحني