البسكوتة

البسكوتة @albskot

عضوة نشيطة

بنات أبي عطورات من لندن ممكن تدلوني على أسمائها ؟؟؟؟

المكياج والعطور

السلام عليكم
بنات اشلونكم انشالله كلكم بخير ومستعدين للعيد كل عام وانتو بخير والله يتقبل منا ومنكم انشالله

المهم ودي أطلب من اللي تعرف وتساعدني بكون شاكرة لها والله يجازيها كل خير أنا زوجي بيسافر بعد العيد مباشرة انشالله الى بلجيكا ولندن عاد آنا قلت بطلب منه كم عطر يكون مميز ويكون موجود بس هناك يعني مش موجود عندنا لا بالبحرين ولا بالخليج يعني أبي أغتنم هالفرصة اللي ماتتكرر وايد

وعاد هالله هالله بالعطورات الراقية المميزة تكفون ردوا على بسرعة الله يجازيكم الخير والجنة وأي شي ثاني تعرفون عنه بعد قولوا لي وأدري فيكم مابتقصرون .

أنتظركم لا تتأخرون علي وعيدكم مبارك مقدما
7
1K

يلزم عليك تسجيل الدخول أولًا لكتابة تعليق.

تسجيل دخول

سراط الغربة
سراط الغربة
في عطر من ماركة بريطانية اسمه باروك من ماركة ياردلي بس ايجنن واتحسيه فخم مرة بس هو اعتقد موجود هنا عندنا في الخليج
مزيان الكويتية
بدون تفكير طلبى ييبلج عطر
( شانيل 22 ) مو موجود بالخليج ولا راح ينزل موليه وريحته ويا البخور ياى
تدوخ
انا وصيت رفيجتى تطلبه من ريلها اللى مسافر لندن ويابه لها والله تمت تشكر فينى
لانه وايد عجبها
وفى عطر ( فيرا وانج )هم رووعه موجودة صورته بمجلة سيدتى هالاسبوع على انه من العطورات الفخمة
وبعد لا تنسين توصينه بالعطورات اليديدة حق ليز كليبورن ونيكست لانها ما تنزل عندنا بالخليج كلش وخاصة نيكست على نظافة ريحتة
امانه اذا يابهم لج وعجبوج لا تنسينى بالدعاء
البسكوتة
البسكوتة
أميرة الكون مشكورة اختي كفاية مرورك عطر موضوعي وتشكرين حبيبتي

سراط الغربة مشكورة وماقصرتي وبسأل عن العطر اللي قلتي عنه وانشالله الاقيه لأني أموت في العطورات والله يعطيكي العافية

أما مزيان الكويتية كفيتي ووفيتي وماقصرتي والله وكل العطورات كتبتهم عندي وخذيت بذوقك لأن انتو الكويتيات ماشاءالله عليكم معروف عنكم ذويقات عاد آنا قلت له اللي تحصله وتعجبك ريحته هاته بس شانيل أكدت عليه انه يجيبه ضروري ولا تحاتين آنا بدعي لك من غير ماشمهم حتى انتي تستاهلين كل خير وكل بنات المنتدى الله يوفقك ويسر أمورك ويفتحها بوجهك ويسعدك يارب ومن العايدين انشالله

مشكورين الله يجازيكم كل خير ويعطيكم العافية
سبائك العسجد
سبائك العسجد
عطر نكست..
شميته عند وحده انهبلت عليه..ريحته كيووووووووووووووووت جدا..لونه وردي..واسمه بعد على ما اعتقد pink..بالضبط مو فاكره اسمه بس احتمال انه اسمه بنك..
لونه وردي ورايق وريحته ناعمه وودك تشمينه على طول..
بس للاسف ما عندنا هنا:(
سيده منصور
سيده منصور
لا يمكنك مشاهدة هذا التعليق لانتهاكه شروط الاستخدام.
حبيت ارفع موضوعك ، وان شاءالله البنات ماراح يقصرون معاكي ،،،