بنات أدعولي الله يصبرني عحالي

السلام عليكم ورحمة الله وبركاته

كيف حالكم أخواتي والله أني تعبانه وما صدقت متى موقع حواء يرجع يشغل
هو من مبارح مش راضي يشغل معي مش عارفه السبب أعتقد ممكن صيانه للموقع
ما تتخيلوا يا بنات حالتي النفسيه السيئه الي أنا فيها والله أني قبل ما أحكي أي كلمه دموعي تنزل لحالها ومش راضيه توقف المشكله أني بالشغل أنا بشتغل بشركه خاصه والمدير معصب وزعلان ومش راضي يخليني أروح

أنا أسفه بعرف أني طولت وما حكيت وكلامي ملخبط بس مش عارفه من وين أبدأ

أنا كنت مخطوبه لشاب عمره 25 سنه وأنا عمري 23 سنه والي مخطوبه سنه ونص ما تزوجنا لحد الان لأن قاعد بكمل دراسته
طبعا أول سنه خطوبه كانت روعه كلها رومنسيه وكان حنون لدرجه ما تنوصف كان يخاف علي من نسمة الهوا ودائما معي أما زيارات عالبيت أو كنا نطلع مشاوير وبالليل مكالمات لحد ما أنام

أكيد أنا حبيته كتير وأرتحت معاه لأنه طيب وحنون بس كنت أشوف عيوبه كنت أتغاضى عنها لأني كنت أحبه وما كان بدي أزعله مشكلته كانت أنه ضعيف شخصيه مع كل الناس وبسمع كلام الناس لو يجي نوري ويشور عليه بيوخذ برأيه وأنا ما بشاورني بس بحطني تحت الامر الواقع وأهله مأثرين عليه
طبعا أهله ما في منهم وأمه وخواته بيحبوني بس ما كانوا يشدوا عليه بموضوع تعجيل الزواج وأنا كان الوضع عاجبني لاني موظفه وبساعد أهلي وانا ما كنت أزعل منه لما كان يساعد اهله طبعا يساعدهم بشغلهم لأنه أبوه عنده شغل ومحلات وتعب بالفتره الأخيره وصار خطيبي يروح من شغله الساعه3 يصلي ويتغدى ويروح على شغل أبوه ويضل لحد الساعه12 ليل وبعدها كان يحكي معي وأنا كنت أخليه غصب عنه ينام لأني كنت أحزن عليه

طبعا خطيبي مع الأيام بلش يقسى ويتغير معي مثلا لما أزعل ما يراضيني بسرعه زمان كنت لما أعيط ينجن وبعدها لو أنتحر وأموت وأطق ما يحرك ساكن , انسان شكاك درجه أولى بزمناته حب بنت وخانته وسببتله عقده نفسيه وصار يشوف كل البنات خاينات والله ما حبيت غيره وكنت ماشيه معاه زي الساعه تلفوني ممنوع ينشغل ولازم أرد عليه بسرعه حتى لو كنت بالشغل وأنا كنت أحاول دايما أرضيه وأمشي كلمته لأني بحبه مع أنه كان يخنقني كثير

صارت بينا مشاكل كثير وكلها بدور حول قضية الشك يفتح ايميلي يمسك موبايلي يدور ويحوص عشان يمسك عليه شغله وما كان يلاقي والحمدلله لأني ملتزمه وبحبه يعني بنت مخطوبه شو بده يكون عندي
وبعد كل مشكله يتصل يعتذر ويقولي سامحيني أنت شريفه وأنا بحبك لا تتركيني رح أضيع وبعدها يتصلوا خواته ويصلحو بينا وأنا زي الهبله ضليت أسامحه لحد ما قوي علي وهجرني ما رن علي ولا زارني لمدة اسبوع ولما كنت أرن عليه ما كان يرد أو ألاقيه مشغول على طووووووووووووووووووووول طبعا عرفتوها متعرف على بنت وأنا خلاص حطني على الرف
رنيت عليه اليوم الصبح ورد علي وكان ناشف وبايخ وبحكي بدون نفس
قلتله وينك ليش هاجرني قلي أنت أفهميها لحالك جاوبته أنا مش فاهمه أشي شو يعني ؟
قلي أحنا ما بينفع نضل سوا أنا شكاك ورح أضل أشك فيك وبجوز بعد الزواج كمان أشك فيك
قلتله أخر كلام عندك قلي أه جاوبته اذا مش قد الزواج ليش تيجي وتعلقني فيك وتخليني أحبك جاوبني قلي أنا فكرت وخلاص ما النا مستقبل مع بعض قلتله طيب خبرني جاوبني ردلي خبر أنك تركتني قلي خلص أنا رح أطلقك اليوم وأنسيني للأبد
أنا دارت الدنيا فيه ورنيت على اخته وقلتلها قوليله الله لا يسامحه لانه تركني عشان بنت وانا متاكده قالتلي يمكن زعل عادي زي دايما قلتلها خلص أخوك مش مقتنع فيه بس قوليله حسبي الله ونعم الوكيل فيك وربعدهل رنيت عليه للمره الاخيره وقولتله انت مش قد الكلام انت ولد تفووووووووووووووووه
عليك وقفلت الخط وبعدني بعيط مش قادره أوقف وكل ذكرياتي معاه الحلوه والمره جايه عبالي شو أعمل شو أحكي لأهلي
أنا ما بدي تدعو عليه ولا أنا بدي أدعي عليه بس بدي تدعولي أنساه