بنات أرجوكم اقروا قصتي وان طااااااالت

أخواتي ابقولكم حاجه من تجربتي الشخصيه وفشلت فيه وحبيت افيدكم حتى لاتقعوا فيما وقعت به

حبيباتي ملخص قصتي؛؛؛؛
لي جارة قريبه لقلبي وانا واياه بالرخاء والشدة؛؛؛وما توقعت انه بتدمر حياتي بدون مااتنبه،،والحمدلله اني تداركت عمري

مع اني بغيت اروح بألف داهيه:09:

احتكاكي به كثير بحكم ان عملنا واحد مع انه طيبه وحبوبه مره لكني لاحظت اني كلما رجعت للبيت أثري مشحونه من زوجي بسبب أو بدون،،وكلما طلبت طلب ورفضه قلت ياليتك تصير مثل فلان (زوج جارتي) انه سوى وسوى
المهم مع مرور الايام صرت اتقصد أطلبه مثل طلباته لزوجه (من خلال كلامه)أدري وشي طلباته ...عشان أشوف هل يسوي مثله أولا؟؟؟؟؟
وأحس ان كل يوم أسوأ من اللي قبله مع زوجي (بالرغم من طيبته معي)لكن الشيطان ماخلا أحدبحاله صارت حياتنا شبه منهاره:06:

ويوم من الايام كنا انا واياه معزومين بنفس المكان وطلبت زوجي يوديني رفض بحجة انه منشغل انا هنا ولعت وصارت الشياطين فوق رآسي طرت ودقيت عليه وعلى طول سألته مين بيوديك قالت (أبوفلان)وهي من النوع اللي لايمكن
تسب زوجه مهما كان وهذا هو مربط الفرس ربطت بمخيلتي أن هذا الزوج لايوجد مثله على وجه الخليقه

((((وهذا هو منشأ مشاكلي))جيت وارسلت مسج عتاب قوي وبالمقابل مدح (لهذا الزوج المنشود)) هنا قامت قيامة زوجي وتزاعلنا زعل شين وبعدين راضيته ومرت الامور بسلام
وبعد فتره ماهي بالطويله قدر لنا أيضا أن يحصل لنا اجتماع وبمكان واحد أيضا جيت أنا اركض لزوجي استأذنه انه يودين استأذان المكر كيف لا وقد فهم مأطويه تحت طلبي انه اختبار له وهل سينجح أولا وصار يخشى اجيب له سالفة (هذا الزوج الوردي المزعوم))))فوافق بسرعه وبعدين سألن وفلانه مين بيوديها ((تعود مسكين على المقارنه))
نطيت بحلقه ماخلته يكمل كلامه(ومن غيره الله يخليه له)


وهنا حصل مالم يكن بالحسبان وتلقيت درسا لن أنساه ماحييت:06:بنات تدرون وش صاااااااااااار؟؟؟؟؟؟؟
طلعت وأنا بكامل انتصاري قلت الحمدلله نفع معه موضوع المقارنة وعلى طلعتي من الباب اثاري سواق أهله واقف عند الباب التفت أبو الشباب قال شفتي مين يبوديها؟؟؟؟؟؟؟؟؟؟؟؟؟؟ قلت له بكل ثقه ومين قالك اصلا جاي ياخذ عيالها ومايوديهاالا ابو فلان ماشاء الله عليه،،،،،ومشت على زوجي هالحيله لكن سبحان الله نصره الله علي وخذل شيطاني
ويوم وقفنا عند الباب اذا السواق واااقف ينزله أنا هنا دوريني:09::09:
اسكت زوجي ماقال ولا كلمه ومجرد فكيت عباتي سمعت صوت مسج وياللهول ويوم شفته تقطع قلبي من كلام كاتبه زوجي لي(احتفظ بالسكوت عنه اكراما لماء وجهي)

بنات ارجوكم لايغركم اللي تقول والله زوجي يفعل ويحط ترااااهن خراب لبيوت السفيهات مثلي امشي بحياتك من دون تشوفين احد والله اني تندمت على كل ماسويت وقررت اسد اذني عن كل مايقال وكذا اعيش سااااالمه
اعتذر اخواتي على الاطاله بس عشاني احبكم نقلت لكم قصتي للعبره