انشهد ان الثقل صنعه وبعدين بعد الزواج بتقولين الحمد لله اني ثقلت عليه وبنفس الوقت ماتغلطين ابدا
إذ هو وده يكلمك يتصل هو الله لا يهينه

وانتي نصيحه دام اهلك مايدرون انك تكلمينه لا تكلمينه من جوالك بدون علمهم ابداااا لمصلحتك وحتى ما ياخذ عنك اي فكره لا سمح الله

ودام زواجكم قرب ماله داعي كل هالحوسه ووسعو صدوركم
بس كنت بسئلك زوجك كم عمره ؟ وهل هو متزوج قبل كذا ولا لا ؟

وبالتوفيق :26:

..

.

اشكر ردك الأخت الله يحفظ اولادك امين
كمان اشكرك المتغليه هو عمره30 سنه وكان متزوج ومطلق وما عنده اطفال واسباب طلاقه انه مرته القديمه كانت كل صغائر امورها وكبائرها تنقلها لأمها وامها تتصل وتسوي مشاكل قام فهمها كتير لكن ما استقبلت قام طلقها لكن انا احسه انه من النوع اللي ما يقبل الإهانه يعتي شوي متسرع وهذا علمي وسلامتكم
:27:

اهاا توقعت كذا اذن تحاشي هالنقطه الي تسببت بانفصاله من مطلقته
وبنفس الوقت من الان بما انك راح تكونين مسئوله عن كل شي بدون ماتاخذين لا راي ولا شور امك ولا خواتك فا من الان تعودينه ان لك قراراتك بنفسك وبكل محبه ورضى مثل مساله الاتصال هذي ووضحي له انك ماتقدرين تتصلين ابدا بدون علم اهلك وإذ هو حاب يتصل راح تردين عليه وتكلمينه لانه يعتبر زوجك الحمد لله

وبخصوص الاهانه ياقلبي محد يتقبلها ابداا لكن اعتقد قصدك ان زوجك حساس بزياده ويعقد الامور شوي وهذا راجع لشطارتك بتغييره بمحبتك ومدارتك له وبتوضيحك هالامور الي ماتعجبك فيه علشان يحاول يمسك اعصابه ويخفف منه باذن الله

وبالتوفيق ياقلبي :26:

..

.

السلام عليكم,,

مع احترامي لجميع الآراء السابقة ودي أقول وجهة نظر.. وأكرر وجهة نظر خاصة فيني

أول نقطة أنتي قلتيها أنتو مالكين على بعض يعني شرعاً هو زوجج (وكلام التيلفون ما راح لا سمح الله يخليج تسوين شي غلط قبل الإشهار بالزواج)

وبعدين قلتي هو متحضر ويحبج وكل شي فيه زين إلا انه يزعل انه هو بس اللي يتصل وأنتي ما تتصلين
فتروحين تثقلين ما تتصلين عليه ؟؟؟ هني يمكن تزيدين زعله وهذا ما نسميه تغلي .. تتغلين لما تكونين أنتي زعلانه مش لما هو يزعل تقومين تطنشينه هذا يسمى (عدم إهتمام) من وجهة نظره هو على الأقل..

صار يكلمج رسمي يمكن يبي منج إثبات أنج تحبينه وتبين رضاه وراح تتصلين عليه أكثر
أختي أنتي قلتيها هو ما كان يحب طبع في زوجته السابقة أنه أهلها يتدخلون ..
فديري بالج ولا تبينين له كثير أنج ما تتصلين فيه عشان أهلج ما يبون..

وتقدرين بطريقتج ترضينه وترضين أهلج ونفسج في المكالمة الوحدة وضحيله وضعج وأنه لو عليج تتصلين فيه ليل نهار بس ماتبين تبينين قدام أهلج انج وايد معاه عشان لا يتدخلون كثير ووضحيله انج تحبين تكون حياتكم خاصة جداً عشان جذيه قوليها له وبوضوح (أنا ما أحب أكلمك قدام أحد من خواتي أو أهلي) عشان ما يسمعون كلمة مني ولا مناك خاصه فينا ...... احب حياتنا تظل بيننا ....

هني من جانب تكونين خففتي أتصالات ومن جانب فهمتيه أن السبب في مصلحتكم أنتو الأثنين

وحاولي كل اللي تحسين فيه تقولينه له يعني أنتي حاسه انه هو يكلمج رسمي وزعلان.. لا تسكتين تكلمي قوليله انت قمت تكلمني رسمي بسبب الموضوع الفلاني (لا تسوين نفسج أبد ما تدرين ليش زعلان)

لأنه فيه بنات كثير تحاول تسوي نفسها ما تدري عشان لا تفتح على نفسها باب ... وهالشي يخلي الريال يحس انها ماهي وياه ولا فاهمته.....

ومن جانب ثاني علميه يتفهم وضعج مثل ما أنتي متفهمه وضعه وحافظه أسراره علميه أنج انتي بعد عندج ضغوطات وأسباب.......

وأعيدها لج الأمور تتسهل بالحوااااااار مب بالتطنيش .. لا تعالجين مسائل حياتج من البداية بتطنيشها والله اسمعي من وحدة مجربه

وأتمنى لج التوفيق وأتمنى تاخذين من كلامي اللي تحسينه يناسبج

وانا اوافق الاخت (روحي لك) من حيث رايها وانتي بردي قلبك وخليه كبير وسايسيه وان شاءالله موفقه بحياتك وربي يساعدنا اجمعيين