بنات أنا خايفه مررررره من كلام ولدي !!

السلام عليكم
اخواتي ساعدوني
ولدي عمره تسع سنوات ونص ,وتقريبا له يومين وهو يقولي (امي خايف عليكي من الموت ) يممممه
انا انصدمت !! وش ذا الكلام وليش يقوله لي
واليوم جاني يقول امي قلت نعم حبيبي وناظر فيني وبكى وبكى وظمني بقوووووه
قلت اشفيك ؟ قال امي اخاف تموتين وتخليني !! قلت له يابابا ياحبيبي المفروض انت ماتتكلم بهالكلام,,
قال احاول انسى بس ماقدرت انا كل يوم أفكر لو متي وش بيصير لنا حتى النوم ماأقدر انام وكل ماصليت ادعي ان ربي مايخليكي تموتين!! والله يابنات اني اكتب لكم هالكلام وارجف من الخوف ,,
وش فيه ولدي وش اللي خلاه يقول كلام زي كذا ؟؟ تكفون بنات اللي تعرف شي عن
نفسيات الأطفال وخيالاتهم تقولي ,,,
انا ماقدرت ارد عليه بس هديته وقلت له ان كل الناس بيموتون وربي هو اللي
يدري من اللي بيموت اول والموت حق علينا ,بس انت حبيبي لاتتكلم بكلام مثل هذا
لاني بزعل عليك بقوه ,إنت بس فكر بالمدرسه وانك تطلع ممتاز عشان احبك وأرضى عليك ولاتنسى أهم شي صلواتك,,
قال طيب وسكت والحمد لله هدي وراح نام .
يالله بنات عطوني أرآئكم لاني مررررررره خايفه على ولدي الله يحفظه لي يارب .