هيا سوت اللي عليها وربنا شاهد مايحتاج ياقلبي تسالي شيخ لانه كل انسان له عقل يفكر فيه
فكري شويه هيا مكان لها دور في المقاطعه وكم مره حاولت لحد الذل وربنا مايرضى بالذل للمخلوق
حببتي امك اهم شي بالدنيا راعيها الله يكسبك رضاها
الله يكافي كل وحده تفرق بين اخت واخوها والله حرام مافكرت انه في اخره

(القطيعه)
زارني هاجوس بعد العشا قبل الهجـوع
أبعد الغفوة عن العين حين إنه لفـــــــــا

سلّم ورحبت إبه وإستحثــّـيت الربــــــوع
قلت جانا ضيف زاير يبي زاد ودفـــــا

قال لي مشكور يا فلان أنا ما فيّ جـوع
ما شكيت الجوع ياخي ولا اشكي من حفا

قلت هات العلم هاته ترى قلبي يـــزوع
جيتني في ظلمة الليل تمشي فالخفـــــــــا

قال أنا ما جيت إلك غير من علمٍ يروع
اسمع اللي جيت إبه وافهمه وجه وقفـــــا

قلت هات السالفة لا تفّصل بالفـــــروع
بالوفا جبها وابعطيك من راسي وفــــــــا

قال عندي مشكله يرجفن منها الضلوع
والقلوب الطيبة صابها منها الجفـــــــــــا

مشكلتنا في القطيعة مفرّقت الجمـــــوع
فرقت صدقان كانوا على الطيب إحلفــــا

القطيعة حطت الناس بنزول وطلـــوع
وان طلب واحد من اخيه يعفي ما عفـــــا

الكراهيّة تفشت بهم من كل نــــــــوع
بعد ما كانوا قرايب وصدقان ولفـــــــــــا

الصداقة روحت ودّعوها بالدمــــــوع
نورها اللي كان يشعل تلاشى وانطفــــــا

المطر وقف ويبسنْ رطبات الضروع
بعد ماعون الصداقه على الأرض انكفـــا

ارجعوا للحق يا ناس يا زين الرجوع
اصْـلوا الأرحام والكره يهبا ويخبـــــــــــا

اصلحوا نياتكم فالسجود وفالركــــوع
يا عسى الله يذهب الباس ويجيب الشفـــــا

قام هاجوسي وقفّا وهو وجلٍ ولــــوع
ختّم القصة بقافٍ وبعد القاف فــــــــــــــــا



الشاعر /
عبد الرحمن محسن السيالي (ابو سيف)

ياقلبي عليه تكفين وصلي سلامي لهااا والله يسامح اخوها
ودقي على شيخ اساليه وبرسل لك رقم شيخ

الله يصلح الحال

اللهم صل وسلم على محمد

الله يشفيها يارب لكن ماعندي علم والله بشي ولا ابي افتي لك بشي ما اعرفه لكن
ادخلي هالرابط طبعا اذا كنتي ماتقدرين تكلمينه الشيخ مثلا واختاري اي شيخ تبينه تحصلين تحت اسم الشيخ ايقونه مكتوب ارسل سوالك وارسليها له وان شاء الله خير
وهذا اللينك

http://www.islamfeqh.com/Yastaftonak/default.aspx?catid=1