بنات إلي سجلو بدورة صندوق التنميـــة دخووووووول :(

انا الحين مسجله بالمسار الثاني وهذا ثالث يوم لي :)
للحين اللي خذته كان مفهوم العمل والموظف واخلاقياته وانواع الشركات والفرق بين القطاع الحكومي والقطاع الخاص ومجالات القطاع الخاص مممم وش فيه بعد ايوا اخذت عن طرق البحث عن الوظيفه واعداد السيره الذااتيه هذا تقريبا مجمل اللي اخذناه الايام اللي راحت

الله يووووفق الجميع

انا خلصت من هالدوره
انا كنت بالمسار الاول
وتقريبا هالدوره مفايها شي جديد كلها شرح عن السيره الذاتيه المقابلات الشخصيه حقوق الموظف انواع القطاعات انواع الوظائف نظام التامينات ويعرضون لك افلام كثيره زي الشرح

فيها تقييم على الحاسب والانجليزي ...

واخر شي تاخذين الشهاده

اختي لمووسه الله يرزق الزوج الصالح تردين على كيف اختبار الحاسب والانجليزي بالتفصيل
وفي اي البرامج كان الاختبار
رجاء ردي علي
وشكرا للاخت خواطر ووافينا بالمعلومات من قريبتك اللي سجلت الله يجزاك خير

loool_sa
اختي هل سمعت عن اختبار الحاسب وفي اي البرامج والانجليزي ومتى موعده
وجزيت خيرا

اختبار الانجليزي والحاسب الاثنين مدتهم ساعه كامله الانجليزي 72 سؤال والحاسب 62 سؤال وهم سهلين مره بالنسبه
الحاسب الالي تختارين برنامجين من 3 برامج يا ويندوز او وورد او اكسل
اسهل شي الويندوز والاسئله طبعا اختياري السؤال فيه 3 اختيارات يا (1 او 2 او كلاهما معا )
واخر شي اذا خلصت اسئلة الحاسب تطلع لك النيجه قدامك فيه ناس ياخذون متوسط وفيه ناس متقدم وفيه ناس ضعيف بس الاغلب متقدم في برنامج ومتوسط في الثاني

اما الانجليزي تقريبا اسئله عامه ونفس الطريقة اختياري يعني مثل جمله ناقصه وش يصلح لها باقي من الاختيارات معنى كلمه معينه قاعدات ومافيه لاقطعه وعليها اسئله ولا تعبير ن نفسك كلها بس اختياري وتراكم بتخلصون قبل الساعه ... بعد كذا اذا خلصتي تطلع نتيجتك افضل مستوى هم الثامن وماحد وصل له ابدا من البنات اتوقع يعني واقل مستوى هو الاول وهو اللي يكون عندك مباديء الانجليزي فقط انا عن نفسي طلعت المستوى الثالث يعني زين واحسن وحده عندنا طلعت المستوى الرابع :)

لاتشيلون هم هالاختبار تراه حلوو

والله يوفقكم ويرزقنا وياكم الوظايف :)