استخدمي بهارات الكاري بدل بهارات العادي 
والزبادي مع الصلصه يطلع الايدام نفس المطعم
الهندي 

اول شي تقطعي الدجاج زي ماتبغي 
تفرمي البصل مع الثوم والكزبره 
حطي زيت بالقدر ولاتكثري حمسي البصل والثوم 
الين يذبل حطي الدجاج واقلبي شوي وبعدها حطي الماجي والقرفه وليمون اسود وملعقه بهارات الكاريه واقلبي مع بعض الين يصير الدجاج لونه ابيض بعدها حطي ملعقتين او ثلاث صلصه واقلبي وبعدها حطي علبة الزبادي واقلبيهم مع بعض بعدها حطي مويه الين يغطي الدجاج ووطي عليه النار الين يستوي ويتسبك اذا بغيتي تقدمي مع رز ابيض او مع الجباتي الهندي روووعه 

وراح تدعين لي ان شاءالله 

الأكلات الهندية لها بهارات خاصة حتى ان بعضها ماتلقينه بأسواقنا
حملي كتاب للأكلات الهندية مترجمة
ماراح تفهمي شي بالمقادير

بس تقدري تسوي اكلات تكون قريبة من طعم اكلاتهم من اللي ذكروها الأخوات ماقصرو

ممكن تشترين قطع صدور التيكا مسالا المتبله وتدخليها للفرن
وفي قدر على جنب
تحمري بصل مقطع مكعبات وتضيفي له كمون وحبيبات خردل وفلفل رومي مقطع مكعبات وكذلك فلفل حار حبه وحده وتضيفي 3 ملاعق زبادي مذاب فيها ملعقتين بودره حليب جوز الهند مع عصير نصف ليمونه وتضيفي مكعب ماجي
وتضيفي للصوص فنجال شاهي مويه
وملعقة من البهارات للتيكا مسالا وتحركين وتضيفي الصدور المحمره والمستويه وتطبخ خمس دقايق وخلاص طفي النار وضيفي زنجبيل مقطع شرائح طويله ناعمه
وشوي بقدونس وشوي كزبره
بيطلع شبيه جدا بدجاج 65 الهندي اللي بالمطاعم
اما التيكا مسالا متأكده انه رح يعجبك وتنهبلين على طعمه
الافضل بهارات مهران بس لو ماوجدتيها استخدمي اللي بالصوره
هذا الرابط وبالعافيه على قلبك
http://forum.hawaaworld.com/showthread.php?t=3531124

مااااقصرتم استفدنا من تجاربكم جزاكم الله كل خير

رفع