طمنيني اذا عملتيها زبطت معاكي ولا لا

الله يجزاكم الجنة
ابشري بسويها واقول لك

حديك طريقه القطايف الحجازيه بالتفصصيييل كوني حجازيه للنخاع .. بس دقايق اسأل مامي وارجع ..

القطايف الحجازيه ..

كاستين دقيق بر

وملعقه ونص خميره فوريه << بملعقه الاكل

ومويه دافيه اقرب للحار

ورشه ملح


اعجنيها وخلي سمكها مثل خليط الكيك لكن اخف شوي .. مثل الشوربه تقريباً

اتركيها تخمر ، وبعدين جيبي الفرن الخاص بالبان كيك اذا عندك .. اذا ماعندك بمقلاه البيض الصغيره ابدي صبيها لين تشقر من تحت واقلبيها تتحمر من فوق ..

واخر شي جهزي سمن بلدي .. او زيت زيتون .. او زبده ..

امي تحبها بالسمن ، وانا احب الزيت زيتون يطلع لها نكهه ..

وجهزي كمان سكر مطحون ناعم حطيله ملعقه هيل مطحون او ملعقتين صغيره ..

وادهني وجه القطايف بالسمن ورشي عليها سكر .. وتكوت بالحافظه ترصينها فوق بعض ..

وومكن بدل السكر عسل .. بس الاصل سكر مع هيل مطحون


وبالعافيه ولاتنسيني وامي من دعواتك ..

وهذا فرن البان كيك يصلح البان كيك والقطايف انصحك فيه لو ماعندك .. هالنوعيه لها عندنا 10 سنين ماشاء الله لا تلصق الاكل ولا تخربه .. حتى لخبز الشاورما نستخدمه ..

الله يجزاكم الجنة