بنات ابغاكم شوي عندي مشكله مع زوجي تووها اليوم صارت طاززه

السلام عليكم ورحمة الله
عندي مشكله ومدري كيف احلها 
زوجي دخل اليوم بعد صلاة الجمعه ولقيني لافه راسي بشرشف  صغير زي الطرحه حق العبايه
قال ليش لبستيه قلت عشان مسويه حناء
قال مالقيتي الا الجمعه تسوي حنا
قلت له وايش تفرق الحين بنفطر وشوي انت بتروح تشيش اقل شي ساعتين وبعدين بنتغدى هذي اربع ساعات  وبروح بغسله 
قال بس لو سمحتي سويه مره ثانيه وانا مو موجود وهو ينافخ طبعا..وانا موتي الي ينافخ علي تطلع قروووني  وللعلم انا اسوي حنا مره بالشهر واحيان يصادف وجود زوجي واحيان لا على حسب الوقت ا
المهم
قلت ليه ان شاءالله
قال عشان تقعدين معي وشعرك مفتووح ومافيه طرحه  ههههههه ضحكني والله كنه مايعرف شعري وشكلي وكنه حاسب الطرحه حتنام بشعري ههههه  المهم
سكتت شوي 
بعدين رحت قربت جمبه وقلت له اسمع ياقلبي وانا مبتسمه
انا حرره في بيتي 
احط خلطه 
احط حنا
اسوي حمام مغربي
اسوي صبغه
هذا الشي يخصني مايخصك 
وبعدين اذا مو طايق شكلي او قرفان مني  عادي يحق لك لاتطالع فيني ولا تقرب  وكل 3ساعات او 4 بالكثير وانا متروشه 
قام عصصصب وثاار علي
اصلا انا ماعندي شخصيه وعشاني طيب تعامليني كذا 
ولو كنت شرير كانك تتنافضي مني!! ياسلام اتنافض من ايش وش الجريمه الي سويتها عشان اتنافص  
عاد انا يابنات عصبيه وماقدر اسكت عن حقي 
قلت له لو انك شرير ماجلست عندك دقيقه ارتاح وريح اعصابك
قال انتي ماتعرفي تردي ولاتعرفي تمتصي غضبي!!
وسكت وطلع من البيت الظهر وتووه الحين جاء عالوحده ونص ودخل نام
مدري مين الغلطان انا ولا هو 
مو معقوله نصير عبيد عندهم هالرجال يتحكمو حتى بوقت الحنا الي نحطه  انا ماغلطت بشي  لو غلطت والله اروح اسلم ع يده وراسه  بس ماغلطت  بس برضه ابي رايكم بالموضوع..طبعا انا ماقولكم اروح اراضيه اولا    
انا ابيكم تقولولي الحق مين الغلطان انا ولا هو ..
وللمعلوميه هو رجال طيب حمدلله مايحتاج اذم ولا امدح  رجال ونعم فيه من كل النواحي وكمان انا الحمدلله قايمه بكل واجباتي معه ومو مقصره على قد مايعطيني يلقى مقابل  ..طبعا متزوجين من 12سننه وعندنا اولاد الله يحفظهم