بنات ابغا حل

شوفي اختي اعتقد انك لو حددتي مثلا كل يوم عشر ايات ماراح تاخذ منك وقت من وقت المذاكره. ومو معقول طول اليوم تكونين تذاكرين . اذا حسيتي ان عندك وقت فراغ امسكي القران واحفضي اللي ربي يقدرك عليه.
او خصصي يوم من ايام الاسبوع تكون عندك محاضرات قليله وترجعين البيت بدري , خصصي هذا الليوم للحفظ.
وما اعتقد ان الموضوع يستحق انك تروحين لطبيب نفساني . لانك معطيه الموضوع اكبر من حجمه الحمد لله اختي الدين دين يسر .
او التحقي بحلقة تحفيظ قران بالجامعه هذا راح يساعدك اكثر.
لما كنت بالجامعه كان عندنا حلقة تحفيظ قران تبدا قبل المحاضره الاولى تبدا من سبعه ونص الى الساعه ثمنيه مادري لو كان عندكم نفس هذا الشي راح يسهل عليك كثير.


وتقبلي تحياتي : همســ حب ــة

انا بعد الطلاق نفسيتي تعبت عشان كده ودي اروح لاني مااذوق طعم النوووم ودايم ابكي في الليل انا امر بحاله نفسيه سيئه مو عشان حفظ القران محتاجه طبيب نفساني لا عشان اشياء اقسى من كده وانشاء الله ربي يقدرني اني احفظ ادعولي انتم

هلا اختي اسيرره

الي فهمته من كلامك والي احس انك تحسين فيه

هو احساسك انك خسرتي دنيتك وبنفس الوقت تحسين انك ماقدمتي شيئ لاخرتك

وهذا احساس طيب

لكن هل هالاحساس دائم؟؟ ام انه لمجرد كونك مطلقة وتمرين بحالة حزن

اول شيئ وقبل كل شيئ

حطي فبالك ان ما اصابك لم يكن ليخطئك وما اخطئك لم يكن ليصيبك

تعلمي الرضا بقضاء الله وقدرة

ودايم ردد لاحول ولاقوة إلا بالله والحمد لله على كل حال

ومن ناحية االطلاق تأكدى ان هالشيئ مكتوب وحطي فبالك انك منتي اتعس الناس

فيه غيرك متزوجات ويتمنون الطلاق ..

عموما ماهو هذا موضوعك انتي تسألين بالنسبة للقرآن

شوفي حفظ القرآن ماراح يلهيك عن دراستك بل على العكس راح يكون دافع و باذن اللاه سبب للتوفيق

وزي ماقلت الاخت همسة

حددي لك كل فتره او كل يوم جزء معين

مثللا بعد كل صلاة اقري وجه زين؟؟ هالوجيه اقريه باليوم خمس مرات على عدد الصلوات

وممكن تخلينه على مدى يويمين

وباليويمين الي بعدهم راجعي هالوجه يعني كل وجه اجلسي علية 4 ايام

وبها الطريقة مع المواظبة راح تحفظين القرآن باذن الله خلال 4 اشهر

ومسئلة الطب النفسي فانا انصحك بالاتصال بالدكتور طارق الحبيب

وانشاء الله ربي يفرج لك همك ويريحك

والله يغفر لنا جميعا ويجمعنا بجناته يارب

صدقتِ يا أخت الأسيرة .

الواحد لااااااازم يسوي شيء لآخرته ..

يعني الواحد كم بيعيش في هالدنيا 20 ، 30 ، 40 ، سنه >>>> طيب وبعدين ؟؟؟ موب في النهاية كلنا بنموت !!

وفي المقابل كم بنجلس في قبورنا >>> مئات السنين - الا ان يشاء الله -

وش سوينا عشان نرتاح في هالقبور ..

ما غير قاعدين نلهث ورى هالدنيا الفانية ... ونا سين حالنا اللي ما ندري وش بتكون >>> ومع كذا ما سوينا شيء لها

الله يعفو عنا ويتسامح

اما بالنسبة لك يا اخت الأسيرة ... فليه ما تخلين حفظك في ايام الاجازة ( خميس وجمعه ) اذا كان هذا بيسهل عليك ... وطووووول فترة الأسبوع كرري اللي حفظتيه في الصلوات

ولين جت الاجازة الكبيرة ... سوي لك جدول يومي وامشي عليه ... والله ييسر لك

اما بالنسبة لحزنك ومأساتك ،، فيكون في علمك ان فيه ناس عايشين مأساة اكبر منها ( ويمكن انا أكون منهم ) .. لكن وش نسوي ما لنا الا نحمد الله على كل حال

واذا كنتِ معتقدة في قرارة نفسك ان الطبيب النفسي يقدر يساعدك >>>> فليه لا

عاااااادي

روحي عند طبيب نفسي ... والله يفرج لك ويعوضك بخير منه آآآمين

الأخوات ما قصروا .. قالوا كل اللي ودي اقوله ..
الله يوفقج ..