بنات ابغى اسوي بوفيه لزوجي ومنحاسه

والله ماقد سويت بوفيه لحالي.. لازم اطلب من خواتي يساعدوني وخاصة في الاطباق الي تتسوى بنفس اليوم..

شوفي ياغاليه

الأشياء اللي تحتاج له حمسة (( كشنة <<< بلهجة الجنوب فديته وفديت أهله ) سويها من اليوم الي قبله حطيها بالثلاجه

يعني مثلا بتسوين صينية توست بالدجاج

سوي خلطة الدجاج من اليوم الي قبل بحيث انك يوم العزيمة بس ترصي التوست وتحطي الدجاج
والسمبوسه نفس الشي وكمان السبرينق رول والكبة ومثل عارف هالمقبلات
والسلطات يفضل في نفس اليوم

وكمان عندك الحلا من اليوم الليقبل فيك تحددي قائمة الحليات للي بتسويها وتبدأي بالتنفيذ

والأطباق الرئيسية نفس الشي

يعني حددي وش بتسوين علشان تشوفين نفسك تقدرين والا لا

بعدين انت ياغاليه من ديرة الكرم والجود ولشهاريه معروفين باكلاتهم الشعبية اللذيذة يعني عاد لاتحرمي أصحابه يذوقوها

الله ييسر لك ويبيض جهك قدام زوجك وربعه

مشكورين الله يسعدكم ان شاء الله جبرتوا بخاطري و اختي ورد الجوري انتي قد سويتي بوفيه وهل فيه محلات تاجر الصواني والاطباق حقت البوفيه وكلك ذوق يا عسل بس انا طبخات اهل الجنوب يبغالها وحده متمرسه و انا فاااااااشله فيها

الله يعينك وييسر لك ويبيض بوجهك امام زوجك دايما يا رب
لا تخافين بالعكس وانتي تطبخي بتستمتعي ولو لوحدك وبتبدعي ان شاءالله , الحلى من اليوم اللي قبل وممكن تختاري الحلى اللي يعجبك من المنتدى في كثثثثثثثثثثثثير وكل حلى احلى من الثاني
والأكل كمان في اطباق كثيره راح تعجبك اختاري منها اللي ممكن تحسي نفسك انك راح تقدري تعمليها وان شاءالله ربك يعينك
ولا تنسي تطمنينا شو عملتي وصوري لنا السفره لو تكرمتي كي نستفيد من افكارك اللي بتبدعي بها ان شاءالله

أهلن يااا حلوووه ..

الله يعينك ياااارب وتطلع سفرتك أحلىى مما تمنيتي ..

قبل بيومين

شوفي قلبي الحلااا سويييه وغلفيه كويس ودخليه الثلاااجه وعلى مسؤوليتي بيطلع طعمه أحلىىى .. سوبحان الله جربت كل ماطول الحلاا في الثلاجه كل ماصار ألذ ( أهم شئ ماتكون ثلاجتك من النوع اللي تمسك فيها الروايح) أنا ثلاجتي فيها فلتر يسحب الروايح عشان كيذا طعم ونكهة الحلا ما تتغير..
جهزي كاساتك وبيالاتك وفناجيلك والسفره .. غسليهم وصفيهم وغطيهم بسفره بلاستك وفوط نظيفه

قبل بيوم
المقبلااات ( ورق عنب _ كبه _ كبكبية حايل_سبرنج رول_سمبوسه بجميع أنواعها_ملفوف محشي_وغيرها) هذي إعمليها قبل بيوم
وحطيها بالثلاجه
كمان البصل والكزبره والبقدونس والأشياء اللي بستخدمينها في طبخاتك اللي تقررينها قطعيها قبل بيوم وخليها في علب بلاستك وحطيهم بالثلاجه) << الأشياء اللي بتنطبخ موب خضاار السلطه !!! إنتبهي

إعصري الليمون ودقي الثوم


هذا اللي في بالي الحين .. والله يوفقك ويسهل عليك وتبيضين وجه زوجك وينبسط ويفرح فيك